Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave

Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave

Talebanët në Afganistan

Ghazni, Afganistan – Talebanët kanë kryer një ekzekutim të dyfishtë në publik në një stadium në juglindje të Afganistanit këtë të enjte teksa me mijëra panë vrasjen e dy burrave me të shtëna armësh.

Gjykata Supreme e Talebanëve akuzoi dy të vrarët si fajtorë për therjen me thikë të dy njerëzve, sipas deklaratës së gjykatës.

Ata u identifikuan si Syed Jamal nga provinca e Ëardakut qëndror dhe Gul Khan nga Ghazni -megjithëse ishte e paqartë se kush e bëri goditjen me thikë, dy të dënuarit apo të tjerë.

Në deklaratë thuhet gjithashtu se tre gjykata më të ulëta dhe udhëheqësi suprem i talebanëve, Hibatullah Akhundzada, kishin urdhëruar ekzekutimet në shenjë ndëshkimi për krimet e tyre të dyshuara.

Të enjten, njerëzit u grumbulluan jashtë stadiumit në zonën Ali Lala të qytetit të Ghaznit, duke u ngjitur për të hyrë brenda dhe predikuesit fetarë iu lutën të afërmve të viktimave që të falnin të dënuarit, por ata refuzuan.

Abu Abu Khalid Sarhadi, një zëdhënës i policisë së Ghaznit, tha se të afërmit e viktimave i ekzekutuan dy burrat. Ai nuk tha se çfarë lloj armësh kanë përdorur.

Ekzekutimet filluan pak para orës 13:00. U shkrehën 15 plumba, tetë në njërin prej burrave dhe shtatë në tjetrin. Më pas, ambulancat morën trupat e tyre.

Vrasjet ishin ekzekutimi i tretë dhe i katërt publik që kur talebanët morën pushtetin në vitin 2021 në mes të tërheqjes kaotike të forcave të SHBA-së dhe NATO-s nga Afganistani.

Kombet e Bashkuara kanë kritikuar ashpër talebanët për kryerjen e ekzekutimeve publike, kamxhikëve dhe gjuajtjes me gurë që nga marrja e pushtetit dhe u kanë bërë thirrje sunduesve të vendit që të ndalojnë praktika të tilla.

Gjatë sundimit të tyre të mëparshëm të Afganistanit në fund të viteve 1990, talebanët kryen rregullisht ekzekutime publike, fshikullime dhe gjuajtje me gurë.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Reshjet e shiut shkaktojnë rrëshqitjen e gurëve dhe dherave! Problematike akset Berat-Poliçan dhe Poliçan -Skrapar

Reshjet e shiut shkaktojnë rrëshqitjen e gurëve dhe dherave! Problematike akset Berat-Poliçan dhe Poliçan -Skrapar