Bota

Talebanët ndaluan shkollimin për gratë, disa organizata ndërkombëtare pezullojnë aktivitetin e tyre në Afganistan

Tri organizata të mëdha jo-qeveritare (OJQ) kanë pezulluar punën e tyre në Afganistan pasi talibanët i ndaluan gratë që të punojnë për to.

Studentet afgane largohet nga Universiteti i Kabulit në Afganistan

Redaksia 25 Dhjetor 2022, 18:15 | Përditesimi: 25 Dhjetor 2022, 18:29

Tri organizata të mëdha jo-qeveritare (OJQ) kanë pezulluar punën e tyre në Afganistan pasi talibanët i ndaluan gratë që të punojnë për ato. Në një deklaratë të përbashkët, Care International, Këshilli Norvegjez i Refugjatëve (NRC) dhe Save the Children, thanë se nuk do të mund të vazhdonin punën e tyre "pa stafin tonë me gra".

Organizatat kërkojnë që gratë të vazhdojnë të punojnë për to. Talebanët që janë në pushtet në Afganistan po shtypin vazhdimisht të drejtat e grave.

Ky njoftim i organizatave vjen vetëm disa ditë pasi talebanët ndaluan gratë të studiojnë në universitete.

LEXO EDHE:
Kryeprokurori i GJNP-së kërkon fletarrestime për udhëheqësit talibanë

Talebanët njoftuan për ndalesën që gratë të ndjekin shkollimin në universitete më 20 dhjetor, përmes një letre që Ministria e Arsimit iu dërgoi institucioneve të arsimit të lartë. Ky vendim u dënua nga komuniteti ndërkombëtar dhe Kombet e Bashkuara.

Abdel Rahman Habib, zëdhënës i ministrisë së Ekonomisë të Talebanëve, pohoi se punonjëset gra në OJQ-të e huaja kanë shkelur kodet e veshjes - duke refuzuar të veshin hixhabin.

Ata kanë kërcënuar se së shpejti do t'i heqin licencën çdo organizate që nuk i përmbahet këtyre rregullave.

Gratë në Afganistan kanë organizuar protesta duke kërkuar të drejta për arsim, punë dhe liri, por këto protesta talebanët vazhdimisht i kanë shtypur duke i rrahur pjesëmarrësit, duke i kërcënuar, por edhe duke i arrestuar protestuesit.

Talebanët rifituan kontrollin e Afganistanit në vitin 2021, dy dekada pasi një koalicion ushtarak i udhëhequr nga SHBA-ja i rrëzoi ata nga pushteti./REL

S.C/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com