Administrata talebane është në fazën përfundimtare të bisedimeve me Moskën mbi kushtet e një kontrate e cila parashikon që Afganistani të blejë benzinë nga Rusia, thanë zyrtarë të ministrisë afgane të Tregtisë për Reuters.
Habiburahman Habib, zëdhënësi i Ministrisë së Tregtisë dhe Industrisë së Afganistanit, konfirmoi se një delegacion zyrtar i kryesuar nga ministria e tregtisë ndodhej në kryeqytetin rus dhe po finalizonte kontratat për furnizimet me grurë, gaz dhe naftë.
"Ata janë në negociata me palën ruse," tha ai, duke shtuar se ata do të ndajnë detaje pasi të përfundojnë kontratat.
"Ne jemi duke punuar me tekstin e kontratës, ne pothuajse kemi rënë dakord për benzinën dhe benzolin", tha zyrtari, duke shtuar se presin që edhe ajo kontratë të përfundojë së shpejti.
Kontratat vijnë pasi një delegacion taleban i kryesuar nga ministri në detyrë i tregtisë vizitoi Rusinë në mes të gushtit për të zhvilluar bisedime mbi tregtinë.
Nëse nënshkruhet, kontrata do të ishte një shenjë që vendet e huaja bëjnë biznes gjithnjë e më shumë me talebanët, pavarësisht se administrata nuk njihet zyrtarisht nga asnjë qeveri ndërkombëtare, që kur mori kontrollin e vendit pasi trupat amerikane u tërhoqën rreth një vit më parë. Pakistani merr mijëra ton qymyr nga Afganistani. Transaksionet kryhen nga biznese private në çdo vend, dhe administrata talebane mbledh miliona dollarë në doganë për eksportet e qymyrit pasi transaksione bankare nuk mund të kryhen, për shkak të sanksioneve.
Si Rusia, ashtu edhe Afganistani i udhëhequr nga talebanët përballen me sanksione ekonomike nga qeveritë ndërkombëtare, përfshirë Shtetet e Bashkuara. Asnjë qeveri e huaj, përfshirë Moskën, nuk e njeh zyrtarisht administratën talebane dhe bankat e Afganistanit janë penguar nga sanksionet.
Komente
Lajme të tjera
-
Rusia i pezullon gazin, reagon Moldavia: Putin po e përdor energjinë si armë
28 Dhjetor, 22:55 -
Rusia zbulon komplotin e Ukrainës, bombë e fshehur në altoparlant për të vrarë oficerin e lartë
28 Dhjetor, 22:17 -
Putin kërkon falje për 'incidentin tragjik' me avionin e Azerbajxhanit
28 Dhjetor, 15:23 -
Kurti u kërkon ambasadorëve të veprojnë shpejt ndaj sulmeve nga Serbia: Beogradi me mbështetjen e Rusisë përhap narrativë kundër Kosovës
28 Dhjetor, 12:43 -
Moska: Kemi penguar një komplot ukrainas për vrasjen e një oficeri të lartë rus dhe blogeri
28 Dhjetor, 11:58 -
SHBA: Rusia mund të jetë përgjegjëse për rrëzimin e aeroplanit të Azerbajxhanit
28 Dhjetor, 09:37 -
Sllovakia ofrohet të presë negociatorët e paqes Rusi-Ukrainë, Putin: Jemi dakord
27 Dhjetor, 16:43
-
Tërmeti i fuqishëm godet arkipelagun Kuril në Rusi, forca 6,6 ballë e shkallës Rihter! Historia e luftës Moskë-Tokio për ishujt
27 Dhjetor, 16:01 -
Zëvendësministri rus paralajmëron: Moska po shqyrton opsionet nëse SHBA vijon me testin bërthamor
27 Dhjetor, 09:54 -
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Akt sabotazhi në Baltik? BE kërcënon Rusinë me sanksione
27 Dhjetor, 08:16 -
Lufta në Ukrainë/ Tre të vdekur nga sulmet ruse me dronë në Donetsk dhe Sumy
27 Dhjetor, 08:09
