Deri te kompletimi i transferimit ka mbetur vetëm të rregullohen disa detaje mes skuadrës Admira dhe asaj angleze City, ka bërë të ditur menaxheri i Admiras, Alexander Friedl.
"Duket mjaft mirë. Ne e shohim këtë si përkrahje të punës sonë dhe nuk duam ta pengojmë", ka thënë Friedl. Javën e ardhshme mund të arrihet një marrëveshje mes klubeve. Bytyçi aktualisht gjendet te skuadra angleze Manchester City.
Tek ":Citizens" ai ka kaluar nga një javë në prova. Lojtari nga Kosova ka luajtur tri ndeshje me Përfaqësuesen U-17 të Austrisë dhe pritet të jetë pjesë e U-18 të Austrisë. Bytyçi, që është nga Prizreni, kaloi në radhët e skuadrës Admira Wacker në verën e vitit 2009, nga skuadra tjetër austriake Austria Kaernten. (rb/shqiptarja.com)