POP 5

Lajmet më të lexuara të 5 minutave të fundit

Kronikë

Në 2019 u gjobitën 13 shoferë të transportit urban në ditë! Tirana qyteti më problematik (VIDEO)

13 shoferë autobusësh u gjobitën mesatarisht çdo ditë të 2019 duke i evidentuar ata si shkelësit më flagrant të rregullave të qarkullimit rrugor. Tirana ishte qyteti më problematik me 2036 gjoba të ndërmarra. Ndërsa për vitin 2020 janë ndërmarrë 423 gjoba prej të cilave 183 në Tiranë. Nisur nga ky shqetësim ReportTv bëri një vëzhgim në disa prej linjave të autobusëve në kryeqytet ku u vu re se krahas shkeljeve autobusët shpesh herë janë bërë burim aksidentesh dhe trafiku të rënduar.

TIRANE- Të gjithë jemi dëshmitarë të kësaj situate që ndodh çdo ditë në kryeqytet. Kaosi, trafiku dhe shkeljet e rregullave të qarkullimit nga shoferët e autobusit i ka kthyer rrugët  e Tiranës në një situatë të pazakontë.

Çdo ditë në vitin 2019, 13 shoferë të transportit publik janë gjobitur nga policia rrugore në të gjithë vendin për shkelje të rregullave, ky 6 prej tyre në Tiranë duke i evidentuar ato si shkelësit më flagrant të rregullave të qarkullimit.

Nga ana tjetër ReportTV mëson se deri tani në vitin 2020 policia rrugore ka gjobitur 423 shoferë autobusësh prej të cilave 183 të ndërmarra në Tiranë, duke e kthyer kështu sjelljen e tyre në një shqetësim për qytetarët.

Report TV përcjell këtë shqetësim duke bërë këtë vëzhgim në disa prej linjave kryesore të transportit publik. Qartësisht shihet mosrespektimi i rregullave  duke shkaktuar kaos në qarkullim.

Nga ana tjetër nuk kanë munguar as rastet kur si pasojë e shkeljeve të rregullave të qarkullimit nga ana e shoferëve të jenë regjistruar dhe aksidente ku vetëm një ditë më parë një autobus i linjës së “Tiranës së Re” për shkak të frenimit të menjëhershëm  përplasi një patrullë policie e ku u plagosën 3 pasagjerë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Ylli Pata: Si do të shpërndahen pasuritë e sekuestruara zyrtarëve të lartë?

Ylli Pata: Si do të shpërndahen pasuritë e sekuestruara zyrtarëve të lartë?

24 Prill, 20:10 nga Ylli Pata