POP 5

Lajmet më të lexuara të 5 minutave të fundit

Sport

Tapeti i ri/ 'Air Albania' humbet garën me kohën! Fusha jo gati për ndeshjet kualifikuese të Kombëtares

Punimet në stadiumin 'Air Albania' do t’i heqin mundësinë kombëtares që dy ndeshjet e shtatorit për kualifikueset e Botërorit të luhen në Tiranë. Lajmin e konfirmoi edhe Federata Kombëtare e Futbollit e cila tha se dy ndeshjet e kombëtares me Hungarinë dhe San Marinon nuk do të luhen në stadiumin ‘Air Albania’ por në Elbasan Arena. Përsa i përket tifozëve ata do lejohen ta ndjekin kombëtaren edhe nëse nuk e kanë bërë vaksinën, ndryshe nga çfarë ndodh në Europë.

TIRANË-Punimet në stadiumin 'Air Albania'  t’i heqin mundësinë kombëtares që dy ndeshjet e shtatorit për kualifikueset e Botërorit të luhen në Tiranë. Lajmin e konfirmoi edhe Federata Kombëtare e Futbollit e cila tha se dy ndeshjet e kombëtares me Hungarinë dhe San Marinon nuk do të luhen në stadiumin ‘Air Albania’ por në Elbasan Arena. Prej disa ditësh ka nisur shtrimi i fushës së re, që përbëhet nga 80% bar natyral dhe 20% artificial.

Aktualisht punonjësit janë në garë me kohën sepse me datë 5 shtator kombëtarja shqiptare do të luajë kundër Hungarisë për eliminatoret e Botërorit. Deri më tani është shtruar vetëm 50% e fushës së gjelbër, ndërsa në kontratë pjesa tjetër duhet të mbyllet deri në fund të gushtit.

Në këto kushte FSHF është në pritje të UEFA-s për të mësuar se ku do të luhen sfidat e kombëtares, pasi 3 ditë pas përballjes me Hungarinë, me 8 shtator kuqezinjtë kanë ndeshjen tjetër kualifikuese kundër San Marinos po në Shqipëri. Burime brenda FSHF-së bëjnë me dije se edhe vetë ata janë pesimistë që dy sfidat në fjalë të luhen në ‘Air Albania’, pasi përveç shtrimit, fushës i duhen të paktën edhe 3 javë përkujdesje për të ardhur në gjendjen optimale.

Si rrjedhojë përballjet me Hungarinë dhe San Marinon sipas të gjitha gjasave do të luhen në ‘Elbasan Arena’ ose ‘Loro Boriçi’. UEFA për këtë detaj pritet të kthejë përgjigjje brenda 48 orëve.

Ndërkohë duke iu referuar vendimit të fundit të Komitetit të Ekspertëve stadiumi i përzgjedhur do të lejohet të mbushet deri në 30% të kapacitetit. UEFA nuk kërkon asnjë kusht për tifozët që të futen ne stadium dhe duke patur parasysh ndeshjet e skuadrave shqiptare në Kupat e Europës edhe për kombëtaren tifozët nuk do ta kenë detyrim të jenë të vaksinuar.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Krijoi një nga ‘perandoritë’ më të mëdha të prodhimit të motorëve dhe makinave, vdes në ditën e Krishtlindjes Osamu Suzuki

Krijoi një nga ‘perandoritë’ më të mëdha të prodhimit të motorëve dhe makinave, vdes në ditën e Krishtlindjes Osamu Suzuki

28 Dhjetor, 07:25