Taulant Balla: Edhe pas krizave të njëpasnjëshme ne ia dolëm të mos lëmë askënd vetëm në këtë vend (VIDEO)

Kryetari i Grupit Parlamentar të Partisë Socialiste, Taulant Balla, e cilëson një sukses shumë të madh mënyrën se si Qeveria ka arritur të menaxhojë situatat e krijuara në ekonomi vitin e kaluar.  Ai tha se edhe pse situata ishte e jashtëzakonshme Qeveria ka arritur të mos lërë askënd pa mbështetje.

"Gjej rastin të ri nënvizoj disa prej çështjeve që ministrja Denaj nënvizoi. Ne duhet të jemi krenarë që gjatë 2020-s kemi bërë punë të rëndësishme publike dhe të mos lëmë vetëm askënd në këtë vend.

Më të keqen e kemi lënë mbrapa dhe jemi shumë të sigurt tani, edhe me procesin e vaksinimit që po ecën. Ekonomia po e rimerr veten. Buxheti është më i madhi për sa i përket investimeve publike, ndërkohë që vijmë në një vit kur COVID pati një impakt shumë të madh.

LEXO EDHE:
‘Prefekti’ fut në sherr deputetët në seancë plenare! Balla: Ligji, që të kthejmë në ‘koordinator’ prefektin! Opozita: Kërkoni të kontrolloni edhe pushtetin lokal

28 miliard lekë japim në vitin 2021 për rindërtimin. Ne po ndërtojmë qytetet të reja dhe ky është një proces që po ecet më së miri.  Vetëm PS i ka qëndruar fshatit afër si askush tjetër në këto 30 vite. E hoqëm TVSH-në për imputet bujqësore. U angazhuam për heqjen e akcizës së naftës, e kemi hequr.  Në një vit të vështirë ne kemi arritur të planifikojmë edhe mbështetjen për bujqësinë. Investimet në kanalet kulluese dha efektin edhe për situatën e reshjeve", tha ndër të tjera Balla.

Lajmi kryesor:

Kuvend/ Manastirliu: Lufta me COVID ende larg fundit! Dozat e para të Pfizer përmes COVAX vijnë brenda shkurtit, për 800 000 qytetarë

K.T./b.ha./Shqiptarja.com

TAG:
• edi rama
• ogerta manastirliu
• taulant balla
• Buxheti
• Parlamenti
• Rudina Hajdari
• myslim murrizi
• rindertimi
• anila denaj
• ofl
• koronavirusi ne shqiperi
• Vaksina anti Covid
• Vaksina Covid