POP 5

Lajmet më të lexuara të 5 minutave të fundit

Politikë

Taulant Balla zyrtarisht ministër i Brendshëm, betohet te Begaj! Çuçi i dorëzon stafetën te ministria! Porosia e parë: Prioritet siguria e pushuesve

Taulant Balla u betua në Presidencë si ministër i Brendshëm. Pas nënshkrimit të dokumentit zyrtar të marrjes së detyrës, ministri i ri i Brendshëm, Taulant Balla u prit nga ish ministri Bledi Çuçi, i cili i dorëzoi zyrën në prani të krerëve të institucioneve në varësi të dikasterit të rendit

Taulant Balla u betua sot (15 korrik)  si ministri i ri i Brendshëm. Në ceremoninë e zhvilluar në Presidencë, ishin të pranishëm kryetarja e Kuvendit, Lindita Nikolla e deputetë të Partisë Socialiste. Pas ekzekutimit të himnit kombëtar, leximit të dekretit të emërimit dhe formulës së betimit, ministri Balla u betua mbi Kushtetutë para Presidentit të Republikës, Bajram Begaj.

Presidenti Begaj i dorëzoi dekretin e emërimit Ministrit të Brendshëm, duke i uruar suksese në detyrën e re dhe shumë të rëndësishme.

Menjëherë pas betimit, Balla u drejtua tek ministria e Brendshme mori detyrën nga Bledi Çuçi. Në fjalën e tij, Çuçi shprehu falënderime për stafin e Ministrisë Brendshme dhe vuri në dukje se arritjet në disa prej prioriteteve të punës së institucionit, janë rezultat i kontributeve të të gjithëve.

Ai shprehu vlerësimet më të larta për Ministrin e ri Balla dhe njëherësh i uroi atij suksese në detyrën e re, duke i dorëzuar formalisht edhe një dosje “exit-memo” me arritjet, prioritetet dhe një “road-map” për objektivat e ardhshme.

Ndërsa Taulant Balla në fjalën e tij të parë si Ministër i Brendshëm, falënderoi Çuçin për punën e bërë dhe shprehu se në fillim të javës së ardhshme do të bëjë të njohura për stafin dhe publikun, prioritetet që ai ka vendosur në detyrën e sapomarrë.

Përmes një postimi në rrjetin social facebook Balla deklaroi se do të bëjë gjithçka të mos zhgënjejë askënd në kryerjen me sukses të detyrës së Ministrit të Brendshëm në Qeverinë e Kryeministrit Edi Rama. Gjithashtu Balla shkruante se do ti shërbente me përulje çdo qytetari të Shqipërisë.

Pak orë pasi u ul në karrigen e  ministrit të Brendshëm, Taulant Balla ka dhënë porosinë e parë për vartësit. Teksa uron operacionin e bllokimit të 20 mjeteve lundruese pa dokumentacion Balla kërkon me prioritet sigurinë e pushuesve.

Kujtojmë se Kuvendi miratoi më 13 korrik, me 75 vota pro, 16 kundër, 1 abstenim emërimin e Taulant Ballës në postin që për 2 vite e gjysmë Bledi Çuçi, i cili u shkarkua më 7 korrik nga Kryeministri Edi Rama, pas ngjarjes së rëndë që ndodhi në Fushë Krujë dhe Borizanë.

Ngjarja e rëndë e ndodhur më 6 korrik 2023 tronditi opinionin publik, pasi djali dhe vëllezërit e deputetit socialist Rrahman Rraja dhe pjesëtarë të tjerë të fisit dhunuan barbarisht  me shkopinj gome dhe bejsbolli kushërinjtë e fisit Maja për shkak se u ankuan ndaj gurores në Borizanë që po u shkatërronte shtëpitë. Në kërkim u shpallën djali dhe dy vëllezërit e deputetit Rrahman Rraja i cili më pas dha dorëheqjen.

Këtu Video e dhunës barbare/ ‘Vrite, vrite!’ U ankuan për guroren në Krujë, fisi i deputetit Rrahman Rraja dhunon barbarisht 

Rendit zhvillimet sipas orarit:
Ora 20:34
Mori detyrën si Ministër i Brendshëm, porosia e parë e Ballës: Prioritet siguria e pushuesve

 

Pak orë pasi u ul në karrigen e  ministrit të Brendshëm, Taulant Balla ka dhënë porosinë e parë për vartësit. Teksa uron operacionin e bllokimit të 20 mjeteve lundruese pa dokumentacion Balla kërkon me prioritet sigurinë e pushuesve.

“Përgëzime Njësisë Policore Detare. Ishte domosdoshmëri krijimi I kësaj Njësie. Duhet të garantojmë pushime të qeta dhe të sigurta për çdo pushuesi”, shkruan Balla.

Policia Kufitare dhe nga Njësia Policore Detare vijojnë verifikimet në të gjithë vijën bregdetare ndaj mjeteve lundruese për parandalimin e incidenteve me pasoja për jetën dhe shëndetin e pushuesve.

M.Q./Shqiptarja.com

Ora 20:03
Bledi Çuçi i dorëzon dosjet Ballës: Funksionet publike janë të përkohshme! Kam bindjen se do t’i çoja para punët e këtij institucioni

Bledi Çuçi i ka dorëzuar zyrtarisht detyrën ministrit të ri të Brendshëm Taulant Balla. Në një postim në rrjetet sociale, Çuçi shkruan se funksionet publike janë të përkohshme. Çuçi thotë se i ka dorëzuar Ballës një Exit Memo me prioritetet e 2023 të Ministrisë së Brendshme, me bindjen se bashkë me ekipin e tij ai do të çojë përpara punët në këtë institucion kaq shumë të rëndësishëm.

‘Funksionet publike janë të përkohshme. Çfarë mbetet e ka vlerë të pashlyeshme është puna dhe shërbimi ndaj qytetarëve që gjithmonë presin e meritojnë më shumë nga ne. I dorëzova sot Taulantit një Exit Memo me prioritetet e 2023 të Ministrisë së Brendshme, me bindjen se bashkë me ekipin e tij ai do të çojë përpara punët në këtë institucion kaq shumë të rëndësishëm!’- shkruan Çuçi.

 

M.Q./Shqiptarja.com

Ora 14:12
Ceremonia në Ministrinë e Brendshme, Bledi Çuçi i kalon stafetën Taulant Ballës

 

Pas betimit në Presidencë, Ministri i ri i Brendshëm, Taulant Balla, ka hyrë për herë të parë në ambientet e këtij institucioni, i pritur nga ish-ministri Çuçi, zyrtarët më të lartë të Ministrisë së Brendshme, titullarët e institucioneve të varësisë e drejtues të tjerë.

Në fjalën e tij, Çuçi shprehu falënderime për stafin e Ministrisë Brendshme dhe vuri në dukje se arritjet në disa prej prioriteteve të punës së institucionit, janë rezultat i kontributeve të të gjithëve. Ai shprehu vlerësimet më të larta për Ministrin e ri Balla dhe njëherësh i uroi atij suksese në detyrën e re, duke i dorëzuar formalisht edhe një dosje “exit-memo” me arritjet, prioritetet dhe një “road-map” për objektivat e ardhshme.

Taulant Balla në fjalën e tij të parë si Ministër i Brendshëm, falënderoi Çuçin për punën e bërë dhe shprehu se në fillim të javës së ardhshme do të bëjë të njohura për stafin dhe publikun, prioritetet që ai ka vendosur në detyrën e sapomarrë.

M.T/Shqiptarja.com

S.G/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 16/07/2023 04:22

    Te shohim cdo te beje dhe /shoku Xhemal/ i bere minister vetem me nje firme e nje urdher nga lart!

    Përgjigju
  • trimi: 15/07/2023 22:06

    S'merret ves pse iken njeri e vjen tjetri. Pastaj thuhet e kisha mik, s,e paskam njoft ose ndryshoi rruges.

    Përgjigju
  • Meri: 15/07/2023 17:14

    Ish-Ministri duke dorzuar detyrën ( në zyrën e shtetit)i veshur me këmish,sikur të ishte në verandën e shtëpisë.Ndiej neveri për politikan të till,që nuk respektojnë detyrën që i'u është ngarkuar.

    Përgjigju
  • Kistra: 15/07/2023 15:25

    Iku nje minister modest, civil, jo protagonist; dhe vjene nje tjeter qe per sa me takon as nuk me pelqen, as nuk me bind fare, po fare!

    Përgjigju
  • Stela: 15/07/2023 13:09

    Kto vite policia esht qelbur nga koka tek kembet.Te korruptuar dhe pjes e krimit dhe mafias.Nuk ka zot qe e shpeton ket vend.Po cfar mendoni se ben ky? Do ndrroj drejtoret,do bej sikur po punon por policia e njejta do ngelet se te njejtit persona qarkullojn nga nje drejtori ne tjetren duke vazhduar te jen te korruptuar.

    Përgjigju
  • Ramushi: 15/07/2023 12:10

    Ja pra ky eshte edhe fundi pa lavdi i Rames qe vuri shullazin minister te brendshem ne deshperom e siper

    Përgjigju
  • Eli: 15/07/2023 11:31

    Ky po ky, o Zot I Madh njeri me monster se tjetri. Ku jane qytetaret e shkolluar, njehere e nje kohe kishte vetem te tille, tani na kane mbytur ujerat e zeza sj puna e ketij

    Përgjigju
  • Emond (koder rreshen): 15/07/2023 11:31

    O Zot c`far fotoje ! Pinoku me Baba Karlon

    Përgjigju
  • Head: 15/07/2023 11:27

    I doli emri dhe nr telefonit që komunikonte me Capjat e Elbasanit, mik me Rrahjat e FushKrujes ku ne presence te tij nje nga keta kriminelet i vuri pistoleten ne koke policit që denoncoi dhunen e Rrahjave kunder asaj vajzes. E sa e sa te tjera "vepra". Shperblimi? Minister!

    Përgjigju
  • AltinTop: 15/07/2023 11:23

    Ekuivalent me Flamur Noken kur ishte min. i brendshem. E njejta prerje.

    Përgjigju
  • Alb: 15/07/2023 11:14

    Nuk ka ca ban policija kur ke deputet dhe ministra te korroptume.

    Përgjigju
  • Marian Laca: 15/07/2023 11:11

    A do merret spak me doganat apo dhe grabitjen qe po behet te denoncuara dhe qe jane ne dijeni te Balles???! Ne dogana shoket e ahmetajt kane bere miljona euro me nje goditje imagjino sa ka bere ahmetaj. Kete e di dhe Rama.

    Përgjigju
  • Sifi: 15/07/2023 09:15

    Me ne fund nje socialist ne qeverine Rama . Suksese zoti Balla.Nese do te ulesh kriminalitetin luftoje duke ndjekur krimin ne levizjet qe bejne cdo dite.Kntigjentet policia i njeh me dhemb dhe dhemball . Shteti forte dobeson krimin.Opozita ate pune ka ketu e 31 vjet

    Përgjigju
    • Ariu: 15/07/2023 12:33

      O sufllaqexhi po a ske pak turp nga vetja për çfarë shkruan?!

    • Sufllaqexhiu: 15/07/2023 10:59

      Hallall sufllaqen

  • Gazheli: 15/07/2023 09:01

    O talant te erdhi dita te arrestosh sali berishen xenin etj etj, te shikojme tani a do i arrestosh dot apo do ja qethesh mundesisht.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31