POP 5

Lajmet më të lexuara të 5 minutave të fundit

Kosova & Rajoni

Të akuzuarit e Speciales dërgojnë kërkesat e para për ndihmë financiare

Ministria e Drejtësisë në Kosovë, ka pranuar disa kërkesa për t’i paguar avokatët e të akuzuarve të Gjykatës Speciale., deklaroi kështu Ministri i Drejtësisë, Selim Selimi. 

Të akuzuarit e Speciales dërgojnë kërkesat e para për ndihmë financiare

Ministria e Drejtësisë i ka pranuar disa kërkesa për t’i paguar avokatët e të akuzuarve të Gjykatës Speciale. Ministri i Drejtësisë, Selim Selimi, ka thënë në një konferencë për media se këto kërkesa do të shqyrtohen këtë javë.

Selimi tha se javën e kaluar Agjencia e Kosovës për Inteligjencë (AKI) e ka realizuar verifikimin e zyrtarëve të ministrisë që do të merren me këtë çështje. Ai tha se së pari do të shqyrtohen dokumentet, pastaj shuma e kërkuar e parave dhe në fund do të bëhet transferimi i mjeteve.

“Kërkesat janë të klasifikuara. Ky klasifikim është bërë më herët në mënyrë që të ruhet konfidencialiteti mes avokatit dhe klientit. Ne i kemi pranuar disa kërkesa, mund të them. Ato do të fillojnë të shqyrtohen këtë javë, pasi që deri tash e kemi pritur verifikimin e AKI-së të zyrtarëve të cilët do të merren me procesimin e këtyre kërkesave sepse na është dashur që ata ta kenë nivelin e verifikimit sekret. Fatmirësisht javën e kaluar AKI-ja e ka përfunduar verifikimin dhe tash i kemi certifikatat e këtyre zyrtarëve të dhëna nga AKI-ja. Grupi do të mblidhet shpejtë dhe do ta shqyrtojë çdo kërkesë me dokumentet përcjellëse… Do të shqyrtohen së pari dokumentet, a janë të kompletuara, pastaj do të shqyrtohet shuma e kërkuar. Edhe shuma e kërkuar gjithashtu rregullohet me norma të veçanta se cila do të jetë për çdo kërkesë. Dhe pasi që të kalohet kjo pjesë procedurale, atëherë do të kemi mundësi që t’i transferojmë paratë të mbrojtjes”, tha Selimi.

Ai tha se ligji i obligon për t’i ndihmuar të akuzuarit potencialë ndërsa theksoi se janë mbledhur 20 milionë euro për t’i ndihmuar ata.

“Ne e kemi buxhetin e caktuar të Ministrisë së Drejtësisë, buxhet i cili ka të bëjë me Divizionin për Mbrojtjen e të Akuzuarve Potencialë. Është detyrë e jona për të cilën na obligon ligji. Nga ky ligj kanë dalë tri udhëzime administrative që e rregullojnë mënyrën se si ndahen ato fonde. Ne i kemi 7 milionë euro të cilat janë ndarë me amendamentit në Kuvend gjatë rishikimit buxhetor dhe 13 milionë euro tjera të cilat janë në buxhetin rezervë”, tha Selimi.

I pyetur nëse do të ndihmohen financiarisht edhe familjarët e miqtë e të akuzuarve, ministri i Drejtësisë tha se shteti i ndihmon familjarët me paratë e vizitës që duan t’ua bëjnë të akuzuarve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça