Të dërguarit e OKB-së do të vizitojnë sot kufirin Egjipt-Gaza, i dërguari i SHBA-së mungon

Palestinezët e zhvendosur, strehohen në një kamp në Rafah

Dhjetëra të dërguar të Këshillit të Sigurimit të Kombeve të Bashkuara do të vizitojnë sot kufirin midis Egjiptit dhe Gazës.  Kjo vizitë vjen vetëm disa ditë pasi Sekretari i Përgjithshëm Antonio Guterres paralajmëroi se mijëra njerëz në enklavën palestineze po vdisnin nga uria. 

Emiratet e Bashkuara Arabe organizuan sot udhëtimin për në Rafah, një zonë ku ndihma e kufizuar humanitare dhe dërgesat e karburantit janë lejuar të kalojnë në Gaza. 

Ambasadorja e vendit në OKB, Lana Nusseibeh, tha se qëllimi i vizitës ishte të mësohej nga dora e parë se çfarë nevojitet në drejtim të një operacioni humanitar në shkallë të gjerë që plotëson nevojat e popullit palestinez në Gaza. Ajo vuri në dukje se nuk ishte një vizitë zyrtare e Këshillit të Sigurimit, shkruan Sky News.

Shtetet e Bashkuara nuk kanë dërguar një përfaqësues në këtë udhëtim, pavarësisht se janë pjesë e Këshillit të Sigurimit. Vendimi vjen pas një vetoje të SHBA javën e kaluar për një kërkesë të propozuar për një armëpushim të menjëhershëm humanitar midis Izraelit dhe Hamasit.

Lajmi kryesor:

Lufta/ OKB: Gaza afër katastrofës humanitare! Hamasi: Pa negociata, asnjë peng nuk do të kthehet në shtëpi! Izraeli: Mbi 100 ushtarë të vrarë

S.S/Shqiptarja.com

TAG:
• lufta ne rripin e gazes