Të dielën ‘Primaret’, Berisha mesazh demokratëve: Ditë historike për Shqipërinë dhe PD-në

E diela do të jetë dita e ‘Primareve’ te ‘Rithemelimi’ i Berishës ku do të përcaktohen kandidatët për 61 bashkitë e vendit për zgjedhjet e 14 majit. Sali Berisha ka një mesazh për të gjithë demokratët, duke e konsideruar ditë historike për PD dhe Shqipërinë.

“Dy ditë na ndajnë nga evenimenti më i madh pas themelimit të partisë Demokratike deri sot, votimi për kandidatët, për qytetarët e parë të bashkive të vendit të cilët garuan gjatë kësaj periudhe dhe presin me pa durim votën tuaj, besimin tuaj, pjesëmarrjen tuaj, në procesin zgjedhor të datës 4 dhjetor dhe që zhvillohet në mbarë vendin.

Duke ju falënderuar me shumë mirënjohje, anëtareve dhe anëtarëve, simpatizantëve dhe simpatizantëve, të gjithë kandidatëve që morën pjesë në garë, drejtuesve të partisë, grupseksioneve dhe seksioneve, u bëj thirrjen më miqësore, të bëni gjithçka për një proces dinjitoz që ju jep ju, Partisë Demokratike dhe shoqërisë shqiptare shumë nder, që zgjeron dhe konsolidon liritë tuaja, për votimin në primare më datën 4 dhjetor.

LEXO EDHE:
Mero Baze: 'Kurum'-i i shpartallon opozitës, kauzën e mbetjeve toksike

Pjesëmarrja juaj është një kontribut i veccantë. Unë e di që keni bërë shumë punë por tani jeni të ftuar të flisni, të firmosni me votën tuaj për kandidatin më të mirë që ju besoni, që ju mendoni. Kam besim të madh se do ta shndërrojmë këtë ditë të një rëndësie historike jo vetëm për PD por për Shqipërinë”, ka thënë Berisha.

Të dielën PD e Berishës do të mbajë primaret, për të zgjedhur kandidatët zyrtarë për 14 majin. Në këtë garë, më e forta pritet të jetë ajo e Tiranës, ndërsa situatë komplekse është për shkak të përplasjes edhe në Kurbin. Por ndonëse afati ka përfunduar, emri i PD së Berishës në Malësinë e Madhe mbetet mister.  Në 3 bashkitë të tjera të mëdha, Elbasani, Shkodra dhe Durrësi ka vetëm një kandidat kështu që nuk pritet të ketë ndonjë surprizë. Ndërkohë që ka edhe një bashki  si ajo e Krujës, ku ka 11 kandidatë.

B.K./Shqiptarja.com

TAG:
• sali berisha
• primaret e berishes