'Të gatuajmë me zonjën Vjollca'/ Biskota festive si të gjyshes dhe receta për makarona me brokoli e salçiçe

Biskota festive si të gjyshes

Përbërësit:

LEXO EDHE:
Ndryshime të mëdha për 2025, parashikimi vjetor i horoskopit nga Jorgo Pulla: Kujdes ekonomia dhe…

200 gr rikota

100 gr gjalp

1 pako sheqer vanilje

1 vezë

300 gr miell

1 lugë kafe pluhur pjekës

100 gr sheqer (kokërr imët)

Përgatitja:

Vendosim në një mikser 200 gr rikota, 100 gr gjalp ambienti, 1 pako sheqer vanilje dhe një vezë. Të gjithë këta përbërës i përziejmë së bashku derisa të na formohet një masë e lidhur homogjene kremoze.

E transferojmë këtë masë kremoze në një tas. Shtojmë fillimisht gjysmën e miellit, 150 gr, një lugë kafe pluhur pjekës dhe i përziejmë me lugë druri, shohim kosistencën dhe më pas shtojmë miellin e mbetur duke lënë një lugë gjelle. (E shtojmë miellin pak nga pak pasi brumi duhet të formohët njësoj si brumi i byrekut nga fortësia. E punojmë brumin me dorë derisa brumi të jetë i plotë. E vendosim në një tas, e mbulojmë dhe e lëmë të pushojë për 30 minuta.

Pas 30 minutave marrim brumin, nuk e ngjeshim, por e ndajmë në dy pjesë. Me secilën hapim një petë të trashë 2 cm me ndihmën e një gote, duke e ngjeshur atë në brum (petë) me kokë poshtë, duke formuar rradhë me diametër 6-8 cm. Vendosim sheqerin në një pjatë të hapur.

Ngjeshim rrathët e brumit në sheqer duke sheqerosur njërën anë të rrethit. E palosim rrethin nga ana e sheqerit duke formuar një gjysmë rreth.

Ngjeshim përsëri gjysmën e palosur nga njëra anë dhe e lyejmë me sheqer. Përsëri e palosim nga ana e sheqerit dhe na formohet ¼ e rrethit të palosur.

E lyejmë përsëri 1.4 e palosur nga njëra anë dhe më pas e vendosim në një tepsi me letër pjekje. Kështu vazhdojmë dhe me rrathët e tjerë të brumit.

Vendosim tepsinë në furrë në temperaturë 190 gradë Celsius për 20 minuta. I servirim me çaj ose me kafe.

Makarona me brokoli dhe salçiçe

Përbërësit:

500 gr brokoli

300 gr salçiçe (e pagatuar)

320 gr makarona

Spec pikant

2 thelpinj hudhra

4 lugë gjelle vaj ulliri

Kripë dhe piper i zi

2 lugë gjelle parmixhan i grirë

Përgatitja:

Pastrojmë brokolin, e ndajmë atë në boçe të vogla dhe e shpëlajmë.

Largojmë cipën e salçiçeve dhe formojmë mishin e tyre.

Vendosim tenxheren me ujë me kripë për të valuar, shtojmë brokolin dhe e lëmë të ziejë për 6 minuta.

Ndërkohë në një tigan me 4 lugë gjelle vaj ulliri shtojmë 2 thelpi hudhra dhe pak spec pikant.  Sapo hudhrat të fluskojnë në vaj, shtojmë mishin e salçiçeve të thërrmuar dhe i kavardisim derisa mishi të marrë ngjyrë. Largojmë hudhrat nga tigani, shtojmë brokolin dhe i përziejmë. Pasi largojmë brokolin nga tenxherja shtojmë makaronat dhe i lëmë të ziejnë një minutë më pak nga koha e shkruar në etiketë. Pasi i kullojmë makaronat i shtojmë në tiganin me mish dhe brokoli, i trazojmë duke i shtuar një garuzhde lëng nga uji i makaronave. Shtojmë parmixhanin, e përziejmë sa të shkrijë dhe i servirim menjëherë.

TAG:
• rreze dielli
• receta
• zonjavjollca

Sondazhi i ditës:

Si ka qenë për ju viti 2024?

• I mirë

  44.1%

• I keq

  22.7%

• As i mirë as i keq

  33.2%

Vota total: 1486

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq