POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Makarona me pulë e limon dhe Spinaq me patate e vezë

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00

Makarona me pulë dhe limon

Përbërësit:

500 gr fileto pule

Kripë dhe piper i zi

2 lugë gjelle vaj ulliri

1 qepë e vogël

2 lugë gjelle lëng limoni

1 lugë çaji lëkurë limoni

100 ml lëng pule

200 ml krem pana

3 lugë gjelle parmixhan i grirë

2 lugë gjelle majdanoz i grirë

320 gr makarona (pene)

djathë mozzarella

Përgatitja:

Vendosim 2 lugë gjelle vaj në tigan dhe sa të ngrohet shtojmë fileton e pulës të prerë në shirita. Rregullojmë shijen me kripë dhe piper të zi. Kaurdisim mishin derisa të zverdhet. Largojmë mishin nga tigani.

Shtojmë në tigan dhe 1 lugë gjelle vaj, shtojmë qepën të grirë shumë imët, e kaurdisim derisa të zbutet dhe e shuajmë me 2 lugë gjelle lëng limoni, 1 lugë kafe lëkurë limoni, 1 filxhan kafe lëng pule, panën dhe e lëmë të valojë duke shtuar 3 lugë gjelle parmixhan të grirë dhe kripë e piper të zi, majdanozin e grirë hollë dhe mishin e pulës të skuqur. I përziejmë mirë të gjitha.

Shtojmë makaronat gjysmë të ziera, i shtrojmë në një tavë dhe mbi makarona hedhim mozzarellën e copëtuar dhe pak parmixhan. E vendosim tavën në furrë në temperaturë 180 gradë Celsius, për 15 minuta.

Në fund shtojmë sërish pak majdanoz dhe e servirim.

 

 

Spinaq me patate dhe vezë

Përbërësit:

2 qepë të vogla

3 thelpinj hudhra

3 patate

1 lugë gjelle pure domate

500 gr spinaq

Kripë dhe piper të zi

majdanoz

1 ½ lugë gjelle lëng limoni

4 vezë

vaj ulliri

Përgatitja:

Lajmë, pastrojmë spinaqin dhe e presim atë. Qërojmë patatet dhe I presim në kubikë të vegjël me mbrinjë 0.5 cm. Qepët i grijmë shumë hollë, gjithashtu edhe hudhrat.

Në një tigan të thellë ngrohim vajin, shtojmë qepën dhe e kaurdisim atë derisa të ulë volumin.

Shtojmë hudhrat, patatet e prera në kubikë dhe i kaurdisim për 2-3 minuta.

Shtojmë 1 lugë gjelle salcë domate dhe spinaqin i përziejmë duke shtuar 1 lugë kafe ujë të valuar, kripë, piper të zi, majdanoz, 1 lugë gjelle lëng limoni dhe I përziejmë mirë.

Vendosim kapakun për 2 -3 minuta.

Shtojmë vezët dhe i lëmë derisa të mpiksen dhe e shërbejmë të ngrohtë.

 

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02