POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Petulla të fshira/ Supë krem brokoli/ Ananas me kos dhe kokos

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

225 gr miell

0.5 litra ujë

3 kokrra vezë

kripë

2 lugë gjelle vaj ose gjalpë

150-200 gr djath i bardhë

7-8 thelpinj hudhër

Vaj ulliri

Përgatitja : 

Fillimisht shtypim mirë hudhrën dhe aromatizojmë vajin e ullirit . në një tas të madh vendosim 0,5 litër ujë , shtojmë miellin e situr në të dhe i përziejmë me tel dore vazhdimisht deri sa mielli të tretet në ujë dhe të na formohet një masë kremoze e hollë dhe pa kokrriza.

Shtojmë 1 lugë çahi kripë dhe vazhdojmë përzierjen. Shtojmë 2 lugë gjelle vaj ose 2 lugë gjelle gjalp të shkrirë dhe vazhdojmë përzierjen. Shtojmë 1 vezë të plotë dhe e trazojmë deri sa veza të jetë lidhur mirë me brumin. Shtojmë vezën e dytë , vazhdojmë përsëri përzierjen dhe në fund shtojmë vezën e tretë e përsëri vazhdojmë përzierjen. Pasi brumi i hollë të jetë lidhur mirë , e kalojmë në sitë për të qenë të sigurt për kokrrizat e miellit.

Vendosim tiganin e krepave, e ngrohim atë, e lyejmë me gjalp dhe e fshijmë. Shtojmë 1 garuzhde krem brumi dhe i pjekim petullat (krepat) për 3 minuta nga të dy anët. Kur e shohim që anët shkëputen nga tigani, i kthejmë ato nga ana tjetër. Kështu vazhdojmë deri në pjekjen e fundit.

Marrim një tavë keku, e lyejmë fundin e saj me gjalp dhe vendosim një petull të fshirë. E spërkatim me pak vaj me hudhra të aromatizuara dhe shtojmë në të pak djath të bardhë të cilin e kemi grirë në rende. Përsëri shtojmë petull , dpërkatim me vaj e hudhra dhe shpërndajmë pak thërrime djathi e kështu vazhdojmë deri në fund. E vendosim tavën në furrë në temperaturën 220ºC për 10 – 15 minuta.

Receta e dytë : Supë krem brokoli

Përbërësit:

400 gr brokoli

1 qepë, 2 karrota

100 gr selino, 2 patate

20 gr gjalp

Vaj ulliri

Kripë dhe piper

Përgatitja:

Në një tenxhere vendosim karrotat e prera në copa, qepën e prerë në katërsh. Nëse kemi rrënjë selinoje shtojmë 100 gr të prerë në kubikë, përndryshe shtojmë 1 degë selino të prerë në copa të mëdha. Qërojmë patatet dhe i vendosim në 1.2 litër ujë të ftohtë. Mbulojmë tenxheren dhe e lëmë të ziejë për 40 minuta.

Presim bohçet e luleve të brokolit duke i ndarë ato nga kërcelli, i shpëlajmë mirë ose i vendosim në ujë me kripë deri sa të vijë koha për zierjen.

Marrim me garuzhde lëng perimesh dhe i vendosim në një tenxhere tjetër perimet e ziera . në tenxheren me lëng dhe 1 patateshtojmë brokolin dhe e lëmë të ziejë për 8-10 minuta. Kalojmë supën në blender , rregullojmë shijen me kripë e piper dhe e servirim duke e spërkatur në fund dhe me pak vaj ulliri të freskët.

Receta e tretë : Ananas me kos dhe kokos

Përbërësit:

2 lugë gjelle arrë kokosi (pluhur)

1 kuti komposto ananasi

600 gr salcë kosi ose kos

40-50 gr sheqer

80 gr pana ëmbëlsire

1 lugë gjelle lëng limoni

Përgatitja:

Fillimisht në një tigan pa yndyrë kaurdisim arrën e kokosit të integruar (pluhur) deri sa ajo lëshon yndyrën e vet dhe fillon gradualisht të zverdhet , dhe më pas e lëmë mënjanë të ftohet.

Rrahim në një enë të ngushtë dhe të thellë panën dhe e lëmë mënjanë. Ndërkohë hapim kutinë e kompostos dhe ndajmë lëngun nga tuli. Lëngun e ruajmë mënjanë për të rregulluar kosistencën e salcës së kosit, ndërsa tulin e presim në kubikë të vegjël.

Në tasin me salcë kosi shtojmë sheqerin ëmbëlsirë sipas preferencës, 1 lugë gjelle lëng limoni dhe i trazojmë deri sa sheqeri të shkrijë (mund të shtojmë edhe 2-3 lugë gjelle lëng komposto.

Përziejmë në një tas të vetëm kosin me panën e rrahur deri sat ë na formohet një krem i lidhur dhe i lëmuar. Largojmë 3 lugë gjelle kubikë me ananas vetëm për dekor dhe kremin e përgatitur e shtojmë tek tasi me ananas që teproi dhe i përziejmë mirë të gjitha së bashku. Në fund i sheshojmë në tasa individualë , vendosim pak kubikë ananasi nëpër të dhe në fund i spërkatim me arrë kokosi të thekur.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

SHBA/ Kamala falenderon vullnetarët! Beyonce krah saj thirrje ta votojnë

SHBA/ Kamala falenderon vullnetarët! Beyonce krah saj thirrje ta votojnë

5 Nëntor, 21:51