Receta

Të gatuajmë me zonjën Vjollca/ Salmon me gjalp e kaperi dhe Antipastë me kastravec e karkaleca

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 24 Dhjetor 2019, 10:51 | Përditesimi: 24 Dhjetor 2019, 15:00

Salmon me gjalp dhe kaperi

Përbërësit:

LEXO EDHE:
Tavë me lakër arme dhe kimë nga zonja Albana

1/2 tufë majdanoz

2 racione salmon

Limon, kripë, piper i zi

2 lugë gjelle vaj

1 thelpi hudhër

1/2 lugë gjelle gjalp

1 lugë gjelle kaperi

Përgatitja:

Pastrojmë majdanozin dhe e grijmë shumë imët. Salmoni e filetuar e marin9ojmë me pak lëng limoni, kripë dhe piper të zi.

Ngrohim vajin dhe vendosim copat e salmonit për t’I skuqur. Vazhdojmë skuqjen nga ty dyja anët për rreth 4 minuta.

Shtojmë gjalpin, majdanozin dhe kaperin e shpëlarë dhe të tharë nga uji. Gjalpin e lëmë sa të skuqet pak. E shërbejmë të ngrohtë me perime furre që dëshironi.

Antipastë me kastravec dhe karkaleca

Përbërësit:

1 kastravec

2-3 gjethe sallate

9 kokrra ullinj

9 karkaleca të mëdhenj

Përgatitja:

Presim kastravecin në dy apo 3 pjesë. Bëjmë disa kanale vertikale për dekor ose duke qëruar hollë në 4 shirita rreth e qark. I presim më pas në rrathë me trashësi 1 cm.

Presim gjethen e sallatës në 2-3 pjesë dhe kalojmë në stikadent nga trungu te bishti një karkalec duke i vendosur në mes një kokërr ulliri. Fiksojmë stikadentin te sallata e palosur mbi një fetë kastravec. Gjithmonë bishti i karkalecit do të vendoset nga poshtë. Ju bëfshin mirë.