Receta

Tartë me perime nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 14 Prill 2020, 10:57 | Përditesimi: 18 Prill 2020, 09:37

Tartë me perime

Përbërësit:

LEXO EDHE:
Tavë me lakër arme dhe kimë nga zonja Albana

1 petë sfoljatë

1/2 qepë

1 karrotë

1 spec i kuq

150 gr bizele

2 kunguj

2 vezë

2 lugë gjelle parmixhan i grirë

1 filxhan çaji qumësht

100 gr djathë scamorza

Kripë dhe piper i zi

2 lugë gjelle vaj ulliri

Përgatitja:

Presim perimet në kubikë të vegjël.

Qepën e grijmë hollë.

Ngrohim vajin në një tigan dhe kaurdisim qepën për 3 minuta. Shtojmë perimet dhe i përziejmë në tigan në temperaturë mesatare për 10 minuta.

Shtojmë bizelet dhe i përziejmë së bashku për 5 minuta.

Në një tepsi rrumbullake vendosim një letër pjekje, më pas rregullojmë petën sfoljatë, duke e shypur bazën me pirun.

Shtojmë perimet dhe i nivelojmë ato.

Në një tas rrahim dy vezë, qumështin, parmixhanin, kripë, piper dhe i përziejmë mirë bashkë me djathin e tymosur. I përziejmë mirë dhe i shtojmë sipër perimeve.

Kthejmë anët dhe e vendosim tepsinë në furrë në tëmperaturë 180 gradë Celsius, për 30 minuta. Pasi e nxjerrim nga furra, e lëmë tartën të ftohet, e presim dhe e shërbejmë.