Receta

Të gatuajmë me zonjën Vjollca/ Tavë me pistil dhe Puding me kakao dhe çokollatë

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00

Redaksia 27 Shkurt 2020, 11:32 | Përditesimi: 27 Shkurt 2020, 15:03

Tavë me pistil

Përbërësit:

LEXO EDHE:
Tavë me lakër arme dhe kimë nga zonja Albana

1 petë pistil

4-6 racione mish dashi ose qingji

5-6 qepë

Vaj ulliri

1 lugë supe piper i kuq

2-3 thelpinj hudhra

1 gjethe dafinë

1 lugë supe oriz

Kripë

Përgatitja:

Fillimisht copëtojmë pistilin dhe e vendosim në një tas me ujë të vakët për ta zbutur.

Ndërkohë grijmë qepët në kubikë jo të imët. Nëse do kemi mish dashi atëherë mishit do t’I japim një valë rreth 30 minuta.

Vendosim qepët në tigan dhe së bashku me vajin e ullirit fillojmë ti kaurdisim në një temperaturë jo të lartë, por mesatare. Ky process zgjat për një kohë të gjatë derisa qepa tretet dhe fillon të karamelizohet pak. Më pas shtojmë copat e mishit. Vazhdojmë përzierjen, shtojmë pistilin e tretur me gjithë lëng, shtojmë një lugë gjelle piper të kuq, hudhrat e grira shumë imët, 1 gjethe dafine, një gotë ujë ose lëng mishi dhe i përziejmë mirë. Në një tavë dheu shpërndajmë 1 lugë gjelle oriz dhe mbi të shtojmë qepën me mish dhe pistil. Vendosim tavën në furrë, derisa të vërë një cipë si kajmak rreth 20-25 minuta.

Puding me kakao dhe çokollatë

Përbërësit:

1 litër qumësht

3 lugë gjelle miell

3 lugë gjelle kakao

6 lugë gjelle sheqer

2 të verdha veze

Vanilje

80 gr çokollatë fondente

2 lugë gjelle gjalp

20 gr çokollatë e bardhë

Biskota sipas dëshirës

Përgatitja:

Vendosim 750 ml qumësht të ngrohet. Në një tas kalojmë në sitë miellin dhe kakaon, sheqer, sheqer vanilje, shtojmë 250 ml qumësht të ftohtë dhe i përziejmë mirë të gjithë përbërësit, 2 të verdha veze dhe vazhdojmë përzierjen derisa masa të bëhet homogjene.

Këtë masë e shtojmë gradualisht tek qumështi i ngrohtë dhe e përziejmë derisa masa të trashet dhe të marrë valë.

E largojmë nga zjarri dhe të marrë valë. E largojmë nga zjarri dhe shtojmë çokollatën e zezë, gjalpin dhe vazhdojmë përzierjen duke i dhënë kohë që të ftohet pak.

Alternative: Pasi putingu të jetë ftohur pak, mund të shtojmë rreth 150 ml ujë shumë të ftohtë dhe vazhdojmë përzierjen. Që pudingu të jetë homogjen, mund të përziejmë në fund me rrahëse vezësh elektrike.

Vendosim në fund të gotës një biskotë me kakao dhe mbushim gotën me pudding. Në fund e dekorojmë me copëza çokollate të bardhë dhe e shërbejmë.