POP 5

Lajmet më të lexuara të 5 minutave të fundit

Kronikë

EMRAT/ Të kërkuar për krime të rënda, Italia sjell të akuzuarin për drogë, Tirana i nis të dënuarin për grabitje me armë

Policia ekstradon nga vendi fqinj 53-vjeçarin nga Miloti, që akuzohet se kultivoi 320 bimë narkotike në vitin 2022 dhe ishte me masën "arrest me burg" në mungesë. Interpol Roma merr nga Tirana të dënuarin me dy identitete, nga Kruja. Apeli i Firences e dënoi me 9 vite, i kanë mbetur rreth 6 për të vuajtur 

EMRAT/ Të kërkuar për krime të rënda, Italia sjell të akuzuarin për drogë, Tirana i nis të dënuarin për grabitje me armë

Moment nga ekstradimi i dy personave sot në Rinas

Interpol Tirana ekstradoi sot (21 Shtator) dy persona në drejtime të kundërta në aksin Itali-Shqipëri, të akuzuar apo dënuar për kultivim droge dhe grabitje me armë në bashkëpunim.

Ata janë Erjon Haxhiu, nga Kurbini dhe Valentino Gjeloshi alias Nino Gjeloshi, nga Kruja.

Policia e Shtetit konfirmoi dy operacionet e ekstradimit të kryera në Rinas për të kërkuarit ndërkombëtarë, në vijim të aksioneve të përbashkëta me partnerët italianë, të koduara “Para drejtësisë”.

I pari u soll në pranga nga Italia prej Interpol Romës Erjon Haxhiu, 53 vjeç, nga Miloti, që akuzohet se kultivoi 320 bimë narkotike cannabis sativa, afër banesës së tij, në vitin 2022.

“Ky shtetas ka qenë i shpallur në kërkim ndërkombëtar nga Drejtoria e Interpolit, pasi Gjykata e Apelit Tiranë, me vendimin e datës 31 Maj 2022, i ka caktuar masën e sigurisë “arrest në burg”, për veprën penale “kultivimi i bimëve narkotike”, tha Policia. Operacioni për korrjen e bimëve u bë në Kurbin më 4 Maj të vitit 2022.

Kurse më pas agjentët shqiptarë përcollën drejt vendit fqinj po në pranga, edhe 46-vjeçarin me dy identitete, Valentino Gjeloshi alias Nino Gjeloshi, nga Kruja, i dënuar me 9 vite burg, nga të cilat i kanë mbetur më shumë se 5 vite për të vuajtur.

Policia sqaron se:

“Ishte i shpallur në kërkim ndërkombëtar nga Interpol Roma/Itali, pasi Gjykata e Apelit në Firence, në vitin 2022, e ka dënuar me 9 vjet burgim për veprën penale “grabitje me armë”, kryer në bashkëpunim, parashikuar nga Kodi Penal Italian (i kanë mbetur për të vuajtur 5 vjet, 9 muaj e 16 ditë burg)”.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29