POP 5

Lajmet më të lexuara të 5 minutave të fundit

Kronikë

Me maska e kapele, 3 adoleshentë në Tiranë thyejnë xhamin e një biznesi dhe e grabisin! Në pranga 2 prej tyre! Qarkullonin me armë (VIDEO)

Policia e Tiranës ka vënë në pranga 2 adoleshentë, 16 vjeçar, ndërsa një tjetër është shpallur në kërkim pasi, dyshohet se kanë vjedhur në dy dyqane në Tiranë si dhe qarkullonin të armatosur

Policia e Tiranës ka vënë në pranga 2 adoleshentë, 16 vjeçar, ndërsa një tjetër është shpallur në kërkim pasi, dyshohet se kanë vjedhur në dy dyqane në Tiranë si dhe qarkullonin të armatosur.Në një prej rasteve kur adoleshentët kanë vjedhur bizneset, shihen me maska dhe me kapele, ndërsa thyejnë xhamin e dyqanit me gurë, për tu futur në të dhe për të vjedhur.

Nga hetimet ka rezultuar se këta shtetas, ditët e fundit, kanë vjedhur një laptop dhe katër celularë, në dy dyqane me pajisje elektronike. Policia thotë se pas informacioneve se autorët e dyshuar po qarkullonin të armatosur, me një automjet, në aksin rrugor Shkozë-TEG, kanë organizuar punën për kapjen e tyre.

Gjatë ndjekjes, drejtuesi i automjetit është larguar dhe ka hedhur një armë zjarri pistoletë, nga dritarja e automjetit. Në tentativë për t’u larguar, drejtuesi i automjetit ka humbur kontrollin dhe e ka përplasur automjetin me trafikndarësen.  Në cilësinë e provës materiale u sekuestruan automjeti, një armë zjarri pistoletë, një laptop dhe 11 celularë.

Vijon puna për dokumentimin e vjedhjeve të tjera që janë kryer nga këta shtetas.        

Materialet procedurale i kaluan Prokurorisë pranë Gjykatës së Rrethit Gjyqësor të Juridiksionit të Përgjithshëm Tiranë, për veprime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 26/09/2023 01:51

    /ABAZ/,shkolla korrektimi ka gjithe bota,kemi patur dhe ne,nuk e di pse nuk i rihapin me.Nuk besoj se ka prinder qe t'i nxisin.Shumica e tyre as u thone gje prinderve,i bejne keto krime vetem e me shoke e me t'a ndajne dhe sekretet dhe /trofete/ e krimeve.Por ka raste qe prinderit i mbrojne,ose i justifikojne,ose behen bashkepuntore ne krim,rasti me i fundit,ai 70-vjecari qe shiste droge per llogari te te birit.T'a quash dobesi,t'a quash dashuri e tepruar,t'a quash nevoje ekonomike deri ne deshperim,t'a quash embeltim nga fitimet edhe pse jane kriminale?!-Nuk e di,por eshte nje rast interesant ai i 70-vjecarit qe duhet studiuar nga psikologet,dhe ata te kriminalistikes,per te kuptuar shkaqet,arsyet dhe per te menduar politikat e parandalimit.

    Përgjigju
  • Abazi: 25/09/2023 10:34

    Sistemi tjeter kishte shkolla korrektimi per keto mosha,qe sot levizin me pistoleta dhe nuk i kap ligji!si dote veprohet me keto mosha? Ligji nuk i kap,ato nuk denohen ,dhe perseri grabisin dhe armatosen! O jane prindit e tyre qe i ushqejne per te vjedhur ,apo mshifet ndonje hajdut qe i organizon.

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04