POP 5

Lajmet më të lexuara të 5 minutave të fundit

Sport

Të mërkurën dy sfida që caktojnë finalen/ Tirana me mision të vështirë ndaj Kukësit, Balaj: Me tifozët ia dalim të eliminojmë Egnatian

Tirana e shumë problemeve jashtë fushe kërkon të përmbysë Kukësin në gjysmëfinalen e Kupës edhe pse ndeshjen e parë e humbi 2-0. Ndërkohë në prag të sfidave të së mërkurës, trajneri i Vllaznisë Osmani dhe kapiteni Balaj, shprehen optimistë se pavarësisht krizës do ta eliminojnë Egnatian.

Të mërkurën dy sfida që caktojnë finalen/ Tirana me mision të vështirë ndaj Kukësit, Balaj: Me tifozët ia dalim të eliminojmë Egnatian

Trofeu i Kupës së Shqipërisë

Tirana e shumë problemeve jashtë fushë, por që në ndeshjet e fundit po merr fitore, të mërkurën në orën 18:00 pret Kukësin në Air Albania, me qëllimin për të përmbysur humbjen 0-2 të pësuar në gjysmëfinalen e parë të Kupës. Ky kompeticion të dërgon direkt në Kupat e Europës, në një kohë kur Tirana rrezikon final-four, por ambienti është më shumë i shqetësuar për aksionet e klubit, të dalë në shitje nga përmbaruesi pas një borxhi që Halili Sh.p.k i detyrohet kreditorit Abedin Treza.

“Skuadra ka besim të plotë te vetja për të bërë një përmbysje, pasi dihet që në lojë është një trofe dhe jemi larg finales me 1 ndeshje. Do jetë e vështirë sepse Kukësi është komod me rezultatin, por ne kemi lojtarë me eskperiencë që kanë luajtur ndeshje të tilla. Do bëjmë maksimumin për të kaluar në finale,"-u shpreh Erbim Fagu, trajner i Tiranës.

Njëjtë si Tirana, edhe Vllaznia të mërkurën në orën 18:00 do kërkojë përmbysjen e rezultatin në Shkodër kundër Egnatias, me qëllimin për të siguruar finalen e Kupës. Skuadra e drejtuar nga Qatip Osmani humbi 1-0 gjysmëfinalen e parë në Rrogozhinë, por vjen pas një seri rezultatesh zhgënjyese dhe kundër krysuesve të kampionatit pritet shumë e vështirë.

“Dëshiroj ta mbyllimin kualifikimin në 90 minutësh. Pra të kemi një diferencë prej 2 golash,”-tha Qatip Osmani, trajner i Vllaznisë.

“Të gjithë e kemi në kokë ndeshjen e fundit në Shkodër kundër tyre kur bëmë një ndeshje të bukur dhe arritëm të fitojmë. Jam i bindur që më mbështetjen e tifozëve, që pritet të jetë e madhe do na japë një shtysë ta përsërisim atë ndeshje dhe të marrim kualifikimin,"-deklaroi Bekim Balaj, kapiten i Vllaznisë.

Sot klubi shkodran, pas disa lajmeve, mohoi të kishte merkaton e bllokuar për shkak të pagave të papaguara, ndërsa nëse kalon Egnatian finalen e Kupës do ta zhvillojë më 14 maj në Air Albania.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58