POP 5

Lajmet më të lexuara të 5 minutave të fundit

Kronikë

'Të mos futesh më në shtëpinë e të tjerëve!' Mesazhi i policit para se të qëllonte 45 vjeçarin! Efektivi me vilë 4 katëshe dyshohet për korrupsion! Gruaja i tha hetuesve: Kemi shumë para në shtëpi

"Të mësosh që mos të futesh më në familjet e të tjerëve dhe as ti hash djersën e tjetrit".  Këto janë fjalët që Erjon Goxhara i ka thënë Florenc Kostës, kur e ka filmuar pasi e plagosi, për të cilin kishte dyshime se kishte lidhje intime me bashkëshorten e tij

"Të mësosh që mos të futesh më në familjet e të tjerëve dhe as ti hash djersën e tjetrit". Këto janë fjalët që Erjon Goxhara i ka thënë Lorenc Kostës, kur e ka filmuar pasi e plagosi mesditën e 19 gushtit.

Goxhara kishte dyshime se 45 vjeçari kishte lidhje intime me bashkëshorten e tij. Më pas videon e filmuar ia ka nisur disa personave të familjes, përfshirë edhe gruan e tij.

Sipas informacioneve të gazetarit të Report Tv Sokol Dema, referuar dëshmive të gruas, grupi hetimor ka dyshime që Goxhara të ketë abuzuar dhe të jetë përfshirë në afera korruptive përmes shfrytëzimit të detyrës si efektiv policie.

Bashkëshortja e tij gjatë marrjes në pyetje ka pohuar se bashkëshorti e akuzonte për tradhti dhe për shpërdorim të shumave të mëdha parash, të cilat nuk i kishin depozituar në bankë, por i mbanin në banesë.

Të njëjtat burime thonë për Report Tv, se efektivi banon në një vilë 4 katëshe.

Goxhara, më herët ka qenë komandant i repartit Shqiponja ndërsa së fundi punon në Drejtorinë për Kufirin dhe Migracionin në Tiranë, pozicion të cilin e humbi pasi menjëherë pas plagosjes, kryepolici Vocaj njoftoi largimin e tij nga radhët e uniformave blu.

Operacionet e kërkimit të forcave RENEA janë përqendruar në periferi të kryeqytetit, me dyshimin se Erjon Goxhara ndodhet në malin e Dajtit. Për këdo që jep informacion mbi vendndodhjen e 46-vjeçarit, policia ka ofruar shpërblim shumën 10.000 euro duke siguruar anonimatin e plotë.

S.B/S.G/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

KF Vllaznia kërkesë Këshillit Bashkiak: Tribunat e 'Loro Boriçit' të emërohen me emrat e 4 legjendave shkodrane të futbollit

KF Vllaznia kërkesë Këshillit Bashkiak: Tribunat e 'Loro Boriçit' të emërohen me emrat e 4 legjendave shkodrane të futbollit

21 Janar, 18:33