POP 5

Lajmet më të lexuara të 5 minutave të fundit

Të ‘padëshiruarit’ në funeralin e mbretëreshës Elizabeth! Putin pa ftesë, Kremlini: Imorale! Delegacionit kinez i refuzohet pjesëmarrja në homazhe

Në funeralin e mbretëreshës Elizabeth një listë “non grata” do ndalë pjesëmarrjen në lamtumirën e fundit që i jepet monarkes më jetëgjatë më 19 shtator. Presidenti Vladimir Putin nuk është i ftuar për shkak të qëndrimit të Mbretësisë së Bashkuar kundër luftës në Ukrainë, por Kremlini e quan një vendim imoral.  

Vladimir Putin nuk është ftuar në funeralin e Mbretëreshës të hënën 19 Shtator, një vendim që Kremlini e ka quajtur  “thellësisht imoral” dhe “blasfemues”. Zëdhënësja e Ministrisë së Jashtme Maria Zakharova e quajti mospërfilljen një “përpjekje për të përdorur tragjedinë kombëtare për qëllime gjeopolitike”.

"Ne e shohim këtë përpjekje britanike për të përdorur tragjedinë kombëtare, e cila ka prekur zemrat e miliona njerëzve në mbarë botën, për qëllime gjeopolitike për të larë hesapet me vendin tonë… si thellësisht imorale. Kjo është veçanërisht blasfemuese ndaj Elizabeth. Nga ana jonë, ne i shprehim ngushëllimet tona të thella popullit britanik për humbjen e madhe që pësoi", tha Zakharova.

Në funeralin shtetëror do të marrin pjesë anëtarët e familjes mbretërore, presidentë dhe kryeministra nga e gjithë bota, megjithatë lideri rus thuhet se është shpërfillur për shkak të marrëdhënieve të tensionuara me Mbretërinë e Bashkuar.

Britania e Madhe ka qenë një nga kundërshtarët më të fortë të pushtimit rus të Ukrainës dhe i ka dhënë kësaj të fundit para, armë dhe ndihmë.

Edhe një delegacion i qeverisë kineze është ndaluar që të marrë pjesë në homazhet në nder të Mbretëreshës. Kryetari i Dhomës së Komunave Sir Lindsay Hoyle refuzoi një kërkesë të delegacionit kinez për të hyrë në Uestminster Hall për shkak të sanksioneve kineze kundër 5 deputetëve dhe 2 kolegëve. Ata thanë se do të ishte “krejtësisht e papërshtatshme” që qeveria kineze të përfaqësohej.

Krerët e shteteve të pothuajse çdo vendi në botë kanë marrë ftesa për ceremoninë, duke përjashtuar Sirinë, Venezuelën, Afganistanin, Rusinë, Bjellorusinë dhe Mianmarin. Britania e Madhe nuk ka marrëdhënie diplomatike me Sirinë dhe Venezuelën, ndërsa është raportuar se Afganistani nuk është ftuar për shkak të situatës aktuale politike.

/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 16/09/2022 15:25

    Putinit per shkakun e luftes nuk i lejohet ,po Kines perse apo sepse nuk i ben embargo Rusise . Dhe atyre KineEve nuk do ti zere gjumi hahahah

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Pakistan/ 82 njerëz të vrarë në 3 ditë si pasojë e dhunës sektariane

Pakistan/ 82 njerëz të vrarë në 3 ditë si pasojë e dhunës sektariane

24 Nëntor, 12:28