POP 5

Lajmet më të lexuara të 5 minutave të fundit

Sport

Të premten derbi që 'pret' kokën e trajnerëve. Ahmataj thuajse i ikur, rrezikon edhe Lerda

Komisioni i garave ka përcaktuar kalendarin e javës së 15 të Superligës me derbin e kryeqytetit Partizani-Tirana që do të jetë ndeshja hapëse dhe që do të luhet ditën e premte. Gjasat janë se cilido ekip që del i humbur me shumë mundësi do të shkarkojë trajnerin.

Derbi i kryeqytetit Partizani-Tirana do të jetë ndeshja hapëse e javës së 15 të Superligës e cila do të luhet të premten në orën 19:00. Sipas të gjitha gjasave, pasi dëshira  e klubit të Partizanit por edhe e FSHF-së është e njëjtë, sfida do të luhet në impantin më të ri futbollistik ‘Air Albania’, duke i hequr stresin tifozëve për të gjetur një biletë.

Përsa i përket skuadrave, për të disatën herë vijnë në pozita tepër të kundërta, pasi Partizani udhëheq kampionatin, ndërsa Tirana renditet e teta, pozicion që nëse kampionati mbaronte sot do të thoshte ‘play-of’ për rënien nga kategoria. Gjithsesi ndryshe nga shumë herë të tjera, Partizani dhe Tirana këtë të premte bashkohen në dy pika.

Si të kuqtë kampion në fuqi, por ashtu dhe bardheblutë vijnë pas humbjeve respektivisht Partizani kundër Bylisit dhe Tirana kundër Kukësit. Gjithsesi pika më e rëndësishme ku bashkohen skuadrat është tjetër. Gjasat janë të mëdha që kushdo nga ekipet që humbet derbin të shkarkojë trajnerin.

Për Lerda-n mundësitë e shkarkimit janë më të vogla, por humbja me Bylisin ka përkeqësuar ndjeshëm ambientin e kuq. Një disfatë në derbi, diçka e cila nuk ndodh prej 18 ndeshjesh, me siguri do ta lëkundte jashtë mase pozicionin e tij. Ndërkohë në kampin bardheblu Ahmataj është më shumë i larguar se sa afër Tiranës. Që prej dhënies së dorëheqjes shumë kush nuk e sheh më elbasanasin si trajner të 24 herë kampionëve të Shqipërisë, ndërsa nuk do të ishte çudi që të largohej para derbit. Edhe emrat që mund ta zëvendësojnë po qarkullojnë ndjeshëm në media.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04