Akreditimi i Akademisë së Forcave të Armatosura, si një institucion i arsimit të lartë për herë të parë në vitin 2020, kur u hapën dhe programet e para Bachelor, ka ngjallur interes të lartë të të rinjve për degët e hapura në shkollën që formon forcat elitë të mbrojtjes. Së bashku me ministrin e Mbrojtjes, Niko Peleshi, kryetari i Bashkisë së Tiranës, Erion Veliaj, u takua me studentët e parë të shkollës ushtarake për të shpërndarë Kartat e Studentit, përmes të cilave Bashkia e Tiranës u ofron 1450 shërbime të ndryshme falas, ose me çmim të reduktuar mijëra të rinjve në kryeqytet.
Veliaj tha se deri më tani Kartën e Studentit e kanë aksesuar 70% e studentëve, ndërsa ftoi që edhe studentët që ende nuk e kanë marrë ta sigurojnë atë, në mënyrë që të përfitojnë nga shërbimet publike dhe private që mbulon.
“Më vjen mirë që sot, mbi 70% e studentëve kanë një kartë studenti, për të cilën u fol shumë, por vetëm kur ka vullnet bëhen gjërat. Së bashku me Nikon kishim vullnet për ta sjellë këtë shërbim edhe këtu dhe u bë. Dua shumë që t’i ftoj të gjithë studentët, që teksa kthehen në tetor për studime, të marrin kartën e studentit, e cila sot ka 1450 shërbime. Disa janë ditore, siç mund të jetë aboneja e autobusit, një supermarket, një kancelari, një mensë. Disa të tjera ndoshta janë më të rralla. U hap Teatri i Operas dhe Baletit, ka edhe aty një ulje, pra shërbime të tilla ku njeriu nuk shkon përditë, por i ka të nevojshme,” u shpreh Veliaj.
Ai tha se Karta e Studentit është ekuivalente në çdo qytet europian për studentët tanë. “Teksa Tirana vitin tjetër është Kryeqyteti Europian i Rinisë dhe Presidentja e Bashkimit Europian, Ursula Von der Leyen e shpalli të gjithë vitin si Vitin Europian të Rinisë, përdorimi i kartës, si në Shqipëri edhe jashtë, besoj se ndihmon,” tha ai, duke shtuar se ndihet i lumtur që Akademia e Forcave të Armatosura po transformohet sipas standardeve të West Point Army. “Si dikush që është rritur nga dy prindër ushtarakë, e di që është një ndër vendet elitë dhe ishte muzikë për veshët e mi kur dëgjoj nga Niko që edhe ai edhe Kryeministri do vazhdojnë të thellojnë raportin me West Point,” deklaroi Veliaj.
Ministri Peleshi shprehu mirënjohjen për vëmendjen e Bashkisë së Tiranës ndaj të rinjve që kanë zgjedhur të bëhen pjesë e Akademisë së Forcave të Armatosura.
“Interesi i të rinjve është i jashtëzakonshëm. Kemi patur 1000 aplikime për 60 vende tek Bachelor këtë vit. Duke filluar nga ky vit do të kemi edhe dy degë të reja në Akademi: “Teknologji Informacioni në Fushën e Mbrojtjes” dhe “Navigim Detar në Fushën e Mbrojtjes”. Pra jemi duke u transformuar sipas një modeli kampion lider që është West Point,” tha ndër të tjera Peleshi.
Akademia e Forcave të Armatosura ofron një pagesë mujore për çdo student për të gjithë periudhën e studimit, si dhe akomodim dhe ushqim falas për tre vitet e studimit. Studentë nuk paguajnë asnjë tarifë për studimet dhe në përfundim të tyre punësohen përmes mundësive që japin FA.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Tiranë/ Rikualifikohet zona e Thesarit, Veliaj inspekton punimet: Do ndërtojmë rrjet unazor, kemi përfunduar urbanizimin në 75 lagje!
18 Nëntor, 14:59 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
PD: Ministri i Drejtësisë të japë dorëjeqjen! Hetim pasuror Ulsi Manjës, aplikoi për ndërtimin e një kompleksi vilash në Farkë
16 Nëntor, 13:20 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Tiranë/ Analiza falas në ditën Botërore të Diabetit, nënkryetari i bashkisë Andi Seferi apel qytetarëve: Kontrollohuni dhe jetoni shëndetshëm
14 Nëntor, 14:54 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00
