Një martesë që po tentohej të mbyllej me divorc, ka përfunduar në tragjedi për Liljana Buzon, 54-vjeçaren nënë të 3 fëmijëve. Bashkëshorti i saj, ish-efektiv i policisë, 58-vjeçari Koço Buzo, i përballur më herët me drejtësinë për dhunë në familje, e qëlloi me breshëri kallashnikovi duke e lënë të vdekur.
Ngjarja e rëndë ndodhi në mesditë në afërsi të gjykatës së Elbasanit, pas seancës gjyqësore për procesin e divorcit mes tyre. 58-vjeçari nuk ishte paraqitur në seancë dhe po priste me një thikw dhe kallashnikov në dorë jashtë Gjykatës së Elbasanit.
Report Tv ka siguruar foto nga momenti i ngjarjes tragjike në Elbasan ku 58 vjeçari Koço Buzo i është afruar gruas së tij Liljana Buzo 54 vjeç sapo ajo ka dalë nga Gjykata e Elbasanit. 54-vjeçarja sapo kishte mbaruar seancën për procesin e divorcit, kur bashkëshorti, i cili po e priste jashtë, i është afruar dhe ka qëlluar fillimisht me thikë dhe më pas e ka qëlluar 7 herë me kallashnikov pas shpine. Sapo ka ndodhur ngjarja autori është neutralizuar nga personat në rrugë dhe policia duke e arrestuar.
Plumbat kapën edhe dy kalimtarë të rastësishëm, të dy jashtë rrezikut për jetën. Njëri prej tyre është me profesion avokat, teksa dita e tij e punës në gjykatë nuk shkoi si zakonisht por ende nuk dihej nëse ishte avokat i çështjes. Ai u plagos rastësisht me një plumb në dorë dhe po merr mjekim në spitalin e Elbasanit.
Ndërhyrja në kohë e forcave të policisë bëri të mundur arrestmin e autorit. Në vendin e ngjarjes shihet arma e zjarrit kallashnikov tashmë e sekuestruar nga policia bashkë një thikë që 58-vjeçari Koço Buzo kishte me vete.
Ndërsa gjurmët e mbetura të gjakut që po pastrohen nuk mund të fshijnë dot tragjedinë në familjane Buzo, dhe hapin të tjera plagë me tre fëmijë mbetur pa nënë dhe me babain në burg.
Foto nga vendi i ngjarjes
Autori Koco Buzo
Viktima Liljana Buzo
Report Tv ka siguruar foto nga momenti i ngjarjes tragjike në Elbasan, ku 58-vjeçari Koço Buzo i është afruar me thikë dhe kallashnikov gruas së tij Liljana Buzo 54 vjeç sapo ajo ka dalë nga Gjykata e Elbasanit. Gazetari Ronaldo Gjoshi informon se autori në dorën e majtë mbante thikën dhe në të djathtën kallashnikovin dhe ishte në pritje të daljes së gruas së tij nga gjykata.
54-vjeçarja sapo kishte mbaruar seancën për procesin e divorcit, kur bashkëshorti, i cili po e priste jashtë, i është afruar dhe ka qëlluar fillimisht me thikë në fyt dhe më pas e ka qëlluar 7 herë me kallashnikov pas shpine, nga të cilat mbetën të plagosur edhe 2 kalimtarë.
Sapo ka ndodhur ngjarja autori është neutralizuar nga personat dhe policia në rrugë, ndërsa 54-vjeçarja humbi jetën gjatë kohës që po transportohej në spital. 58-vjeçari Koço Buzo, ish efektiv policie është përballur edhe më parë me drejtësinë për dhunë në familje, e qëlloi me breshëri kallashnikovi duke e lënë të vdekur. Koço dhe Liljana Buzo do të divorcoheshin me kërkesë të bashkëshortes. Edhe pse ishte kërcënuar nga 58 vjeçari mbrëmjen se së mërkurës që të mos shkonte në gjykatë ajo mori pjesë në seancën e parë, atë të pajtimit.
Ky është momenti kur shoqërohet drejt dhomave të paraburgimit 58-vjeçari, Koço Buzo, i cili qëlloi me breshëri kallashnikovi gruan e tij duke e lënë të vdekur. Ish-polici, shihet teksa ecën i qetë, i prangosur dhe i shoqëruar nga efektivët e policisë, teksa dërgohet drejt dhomave të paraburgimit.
Ngjarja e rëndë ndodhi në mesditë në afërsi të gjykatës së Elbasanit, pas seancës gjyqësore për procesin e divorcit mes tyre. 58-vjeçari nuk ishte paraqitur në seancë dhe po priste me një kallashnikov në dorë jashtë Gjykatës së Elbasanit, nga ku e qëlloi për vdekje.
Ky është 58-vjeçari Koço Buzo, autori që ka ekzekutuar bashkëshorten e tij Liljana Buzo 54-vjeç në derë të gjykatës, ndërsa ka lënë të plagosur edhe dy persona të tjerë, mes tyre dhe avokatin Gëzim Toccila.
Ky është kallashnikovi, më të cilën, 58-vjeçari Koço Buzo, ka ekzekutuar bashkëshorten e tij Liljana Buzo 54-vjeç në derë të gjykatës, ndërsa ka lënë të plagosur edhe dy persona të tjerë.
Policia e Elbasanit ka dhënë detaje në lidhje me ngjarjen e rëndë të ndodhur sot në mesditë në Gjykatën e qytetit.
'Rreth orës 12:15, në afërsi të Gjykatës, shtetasi K. B., 58 vjeç, ka qëlluar me armë zjarri në drejtim të bashkëshortes së tij, shtetases L. B., 54 vjeçe, e cila si pasojë e plagëve të marra ka ndërruar jetë gjatë rrugës për në spital. Si pasojë e të shtënave është plagosur në këmbë edhe një kalimtar i rastit, shtetasi G. T., i cili ndodhet në spital, jashtë rrezikut për jetën. Gjithashtu është paraqitur në spital, i dëmtuar në dorë, edhe shtetasi A. K., i cili pasi ka marrë ndihmën mjekësore është larguar për në banesë.
Ndërhyrja në kohë e shërbimeve të Policisë ka bërë të mundur kapjen dhe prangosjen e autorit, sekuestrimin e armës së zjarrit tip kallashnikov dhe të një arme të ftohtë thikë. Në vendngjarje ndodhet grupi hetimor dhe nën drejtimin e Prokurorisë vijon puna për zbardhjen e rrethanave të ngjarjes", thuhet në njoftimin e policisë.
Ish-polici Koço Buzo ka qëlluar më kallashnikov jo vetëm gruan e tij që e la të vdekur në vend por edhe një avokat e një kalimtar të rastit.
7 plumba kane dale nga kallashi i tij. Personat po dilnin nga seanca gjyqësore pasi autori akuzohej për dhunë në familje.
Liljana Buzo, 54 vjeç, e qëlluar nga bashkëshorti i saj me armë zjarri, ka mbërritur e pajetë në spital. Gruaja e mbetur viktimë nga krimi në familje nuk ka mundur t'i rezistojë plagëve.
Personi që qëllua mbi bashkëshorten e tij në Elbasan ka qenë ish-punonjës i Policisë së Shtetit. Ai ka qëlluar gruan pas një konflikti dhe e ka lënë të plagosur rëndë.
Në Elbasan është regjistruar sot një tjetër ngjarje e rëndë, ku bashkëshorti ka qëlluar me armë zjarri gruan e tij dhe e ka lënë të plagosur rëndë.
Report Tv ka siguruar pamje nga vendngjarja.
Gruaja e plagosur rëndë në Elbasan nga plumbat është qëlluar nga bashkëshorti i saj. Lajmin e bëjnë të ditur për Report Tv burime nga policia e shtetit.
Nga të shtënat pranë Gjykatës së Elbasanit mësohet se ka mbetur e plagosur rëndë një grua. Ende nuk ka detaje për ngjarjen.
Komente
Lajme të tjera
-
Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari
4 Nëntor, 10:41 -
Komedia ‘Horoskopi babilonas’ në teatrin ‘Skampa’ në Elbasan! Ironi e të qeshura
4 Nëntor, 10:00
-
Korrupsioni në Universitetin e Elbasanit, Prokuroria jep detajet për 7 pedagogët dhe sekserin: U morën si provë filmimet, procesverbali i lëndëve dhe u kontrolluan banesat
3 Nëntor, 15:25 -
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
Elbasan/ E rëndë në fshatin Pajovë, përplasen dy makina! Njëra humb kontrollin dhe përplas për vdekje fëmijën 8 vjeçar që po rrinte në trotuar! Arrestohen dy drejtuesit
31 Tetor, 15:08 -
Bllokuan rrethrrotullimin e Bradasheshit, Gjykata liron nga burgu 3 protestuesit e PD, do hetohen në liri! 3 ende në kërkim dhe 20 nën hetim (LISTA)
31 Tetor, 15:05 -
Protesta e opozitës/ 3 të arrestuar në Elbasan, 3 në kërkim! Në hetim 20 protestues dhe 3 deputetët të PD
30 Tetor, 09:45
Ku eshte policia qe i lejon keta njerez te shetisin te armstosur dhe ku afer gjykates hajde o Edmond Koseni se ti je ustai i Elbasanit.
PërgjigjuEhhh se marrin ate se e dine cfare i pret.