Një plagosje me armë zjarri ka ndodhur pasditen e sotme në fshatin Garunjas të Lushnjës. Në rrugën Lushnjë- Ballagat është qëlluar me armë zjarri ndaj një makine tip ‘Volsvagen’ ku udhëtonte Bajame Sejena bashkë me nipin e saj. Nga të shtënat Bajame Sejena është plagosur në këmbë dhe fatmirësisht ndodhet jashtë rrezikut për jetën.
Bajame Sejena është e motra e Kastriot Hasallës i cili vrau dy vite më parë Romeo Hasallën pas një konflikti për tokën. Lidhur me ngjarjes ka folur edhe Afrim Hasalla, vëllai i 60 vjeçares së plagosur, i cili ka bërë me dije se ngjarja ka ndodhur ndërsa po ktheheshin nga seanca e mbajtur për konfliktin e tokës 2 hektarë që u bë mollë sherri mes dy familjeve Hasalla. Afrim Hasalla akuzon për këtë atentat vëllanë e Romeo Hasallës, Laert Hasallën. Ai pretendon se toka është e tij dhe pala tjetër ka për qëllim t’j marrë.
Në vendin e ngjarjes ka forca të shumta policie por deri më tani asnjë të ndaluar. Policia ka kryer kontrolle në shtëpinë e Laert Hasallës por nuk ka gjetur gjë. Për plagosjen është shpallur në kërkim, Armand Hasalla i cili mendohet të jetë personi që ka qëlluar me armë zjarri ndaj 60 vjeçares, Bajame Sejena.
Sipas detajeve, pas vendimit të gjykatës për dënimin me 35 vite burg të Kastriot Hasallës të akuzuar për vrasjen e Romeo Hasallës dhe plagosjen e tre të tjerëve, kanë qenë të afërmit e këtyre të fundit që i kanë ngritur pritë Afrim Hasallës dhe Bajame Sejenas, duke lënë të plagosur këtë të fundit.
Toka me sipërfaqe prej dy hektarësh ka qenë molla e sherrit mes kushërinjve të largët, ku përplasjet mes tyre kulmuan në vitin 2021, kur Kastriot Hasalla qëlloi me armë zjarri ndaj kushërinjve të tyre, duke lënë të vdekur 30 vjeçarin, Romeo Hasalla dhe të plagosur Shaip Hasallën së bashku me dy djemtë e tij, Emiljano dhe Laert Hasallën. Për ngjarjen u arrestua edhe Afrim Hasalla por më pas u la i lirë pasi Kastriot Hasalla u vetëdorëzua në polici duke pranuar krimin.
Kastriot Hasalla i akuzuar për vrasjen e kushëririt të tij të largët, Romeo Hasalla në vitin 2021 është dënuar ditën e sotme me 35 vite heqje lirie nga gjykata e Lushnjës.
Pas këtij vendimi, familjarët e Romeo Hasallës i kanë ngritur pritë vëllait të tij, Afrim Hasallës dhe motrës, Bajame Seneja e cila mbeti e plagosur me një plumb në këmbë.
Kush është Kastriot Hasalla?
Kastriot Hasalla i dënuar sot me 35 vite burg, në korrik të vitit 2021 vrau me armë zjarri Romeo Hasallën dhe la të plagosur babain e tij Shaip Hasallën së bashku me dy vëllezërit Laert dhe Emiljano Hasullën.
Për ngjarjen fillimisht u arrestua fillimisht vëllai dhe djali i Kastriotit, Afrim dhe Marjo Hasalla të cilët u lanë të lirë pas dorëzimit të tij dhe dëshmisë së dhënë ku pranonte krimin e kryer.
E gjithë përplasja mes dy familjeve, ka ndodhur për një tokë me sipërfaqe prej dy hektarësh që aktualisht pretendohet se është pronë e Afrim Hasallës.
Armand Hasalla është autori i plagosjes së 60 vjeçares, Bajame Seneja në fshatin Ballagat të Lushnjës. Policia ka shpallur në kërim autorin dhe ka ngritur pika kontrolli në të gjitha hyrje-dalet e qytetit të Lushnjës.
Vëllai i Bajame Senejas, 60 vjeçares që u plagos me plumb në këmbë ka dhënë një intervistë për Report TV ku thotë se ka qenë Shaip Hasalla ai që ka qëlluar me armë zjarri ndaj motrës së tij.
Sipas tij shkak është bërë konflikti për tokën 2 hektarë për të cilën sot ishte mbajtur edhe një seancë gjyqësore.
"Na qëlluan Shaip Hasalla me djemtë. Para dy vjetëve na ka qëlluar me armë. Sot na qëlluan sërish, na plagosën motrën. Edhe sot ishim në gjyq për këtë çështje, mbaruam çështjen na zunë pritë. Unë isha në makinë së bashku me avokatin nga Tirana. Nipi mbrapa ka qenë me motrën, ndaj tyre u qëllua me armë zjarri. Na sulmuan për 2 hektarë tokë, që kam kaq vite me një stallë që e kam atje dhe sot ky zotëria do ta marrë me forcë”- u shpreh vëllai i 60 vjeçares së plagosur.
Komente
Lajme të tjera
-
Fier/ Mjeti shkrumbohet nga flakët, shpëton mrekullisht shoferi (VIDEO)
23 Prill, 11:27 -
Fier/ Mjeti del nga rruga dhe përfundon në kanal, drejtuesi në gjendje të dehur (VIDEO)
23 Prill, 07:34 -
Fier/ Mbeti e bllokuar në banesë, zjarrfikëset shpëtojnë të moshuarën
22 Prill, 22:33 -
Protestë në shi, fermerët e Roskovecit e Dimalit kundër ndërtimit të termocentralit në fshatin Suk 1: Të ndalet projekti ose hyjmë në grevë
21 Prill, 16:16
-
FIER/ Të dënuar me burg për vepra të ndryshme penale, arrestohen 2 të shpallur në kërkim! Kapet 24-vjeçari që theu arrestin e shtëpisë (EMRAT)
20 Prill, 16:31 -
Rikthehet panairi ditët e bujqësisë në Lushnje! Mbledh aktorët më të rëndësishëm të bujqësisë në vend dhe rajon
19 Prill, 15:42 -
Stacione provizore për të monitoruar zonat me risk të lartë zjarri
19 Prill, 15:01 -
Fier, ushtroi dhunë ndaj fëmijëve të mitur, 28-vjeçarja procedohet pas kallëzimit të ish-bashkëshortit
19 Prill, 11:38 -
Takim në gjimnazin ‘Dervish Hekali’ në Mallakastër, Balla: Duhet rritur perimetri i sigurisë edhe në komunitete e lagjet ku jetojnë fëmijët
16 Prill, 10:30 -
Krijohet shoqëri aksionere për menaxhimin e inceneratorit të Fierit! PD e Bashës kundër: Rithemelimi pazare me PS-në në Këshillin Bashkiak
15 Prill, 15:27 -
Lushnje, sherr mes grave, 49 vjeçarja godet me thikë 52 vjeçaren
15 Prill, 12:52 -
Parku Arkeologjik i Bylisit 250 vizitorë më shumë në 3 muaj, rruga e re lehtësoi vizitat! Turistja: U impresionova, vlera të rralla antikiteti
14 Prill, 16:18
merruni vesh me kusherinjte,,,,mos kaloni ne kafsheri,,,,se jeni te te njejtit gjak...turp te keni....
PërgjigjuMani dorën njerëz se u paksum pa pas LUFTË. Jemi drrejt rekordeve botërore që do duhen dekada të barazohen se për tu thy se besoj. 3 dit të javës ,3 vrasje në 3 qytete të ndryshme plus 2 plagosje .. pupupu ...
PërgjigjuMe bast per 2 dite, rradhen e ka Fieri…. @Lali Eri, e njeh tet’ate?!
Përgjigju