Peqin/ Kërcet arma në prani të kryebashkiakut Maçi! Hapen kamerat, ka pasur shkëmbim zjarri! Gjenden mbi 20 gëzhoja! Policia në kërkim të personave që u konfliktuan (EMRAT)

Të shtëna me armë zjarri janë regjistruar mesditen e sotme në qytetin e Peqinit. Policia bën të ditur se në konfliktin e armatosur janë përfshirë Leonard Elezi dhe Adriatik Ceka. Ndërsa të tjera burime thanë se i pranishëm ka qenë edhe kryetari i Bashkisë së Peqinit, Bukurosh Maçi.

Mësohet se Elezi dhe Ceka fillimisht kanë debatuar me njeri-tjetrin dhe më pas është qëlluar me armë zjarri. Burime për Report Tv bëjnë me dije se pas të shtënave janë sekuestruar mbi 20 gëzhoja të dala nga dy armë të ndryshme. Nga kqyrja e pamjeve filmike rezulton se nuk është qëlluar në ajër por drejt.

Ngjarja ka ndodhur rreth orës 13:30, në trotuarin e lagjes “Xhami”, siç shihet dhe në pamjet e Report TV policia ka mbërritur në vendin e ngjarjes, ka rrethuar zonën, por pa mundur të kapë dy personat e përfshirë në konflikt.

Nuk ka të lënduar dhe as nuk dihet se çfarë e lidh kryebashkikun Maçi me këta dy persona. Policia e Elbasanit ka shpallur në kërkim Leonard Elezin dhe Adriatik Cekën, ndërsa pritet të zbardhen motivet e ngjarjes.

Rendit zhvillimet sipas orarit:

Të Fundit Të Parat

B.V/B.K/Shqiptarja.com

TAG:
• Bukurosh Maçi
• peqin
• Elbasan
• te shtena me arme
• Leonard Elezi
• Adriatik Ceka