Ish-deputetja e Partisë Demokratike Albana Vokshi është shprehur të martën se pasi shembën barbarisht Teatrin, tani po shembin edhe shtetin e të drejtës, pasi vendimi i KKT-së është presion mbi Gjykatën Kushtetuese. Në një status në FB, Vokshi thekson se “në fillim thanë se Teatri duhej bërë me PPP dhe kulla sepse nuk kishin para, por mashtruan, ndërsa sot thonë se teatri do bëhet duke shtuar borxhin publik,pa kulla, por përsëri mashtrojnë”. Sipas saj, pasi shembën në shkelje totale të çdo norme e ligji godinën historike, sot po shembin shtetin e së drejtës duke vendosur fillimin e punimeve për të ashtuquajturin Teatri i Ri. Nga ana e tij Këshilli Kombëtar i Territorit, ka miratuar këtë të martë, lejen për Teatrin e Ri Kombëtar. Lajmin e ka dhënë në rrjetet sociale kryetari i Bashkisë së Tiranës Erion Veliaj, duke publikuar dhe disa foto të projektit. Në postimin e tij, Veliaj thotë se me Teatrin e ri Kombëtar, do të ketë ‘0 kulla në territor’.
Sigurisht duke nxjerrë bllof Lulin. Asokohe shembja e godinës së vjetër të Teatrit Kombëtar shkaktoi një valë protestash, gjatë të cilave pati edhe përplasje mes protestuesve dhe forcave policore. Por më komike mbetet ‘shqetësimi’ ose teatri i opozitës me Teatrin e ri Kombëtar. U zgjuan nga pushimet, u ngritën nga çadrat e plazhit, dhe ‘hop’ nxorrën kokën në FB, duke u marrë me investimet e reja të qeverisë. Ata që kanë 4 vjet që ja futin gjumit, ata që sapo dëgjojnë ndonjë thirrje proteste ngrihen dhe u bashkohen qoftë edhe fermerëve të Divjakës për shalqinin, tani u kujtuan se Teatri i ri Kombëtar nuk duhet të ndërtohet derisa të shprehet gjykata, ose ndoshta derisa ata të vijnë një ditë në pushtet….. Pasi i lanë vetëm aktorët dhe artistët, pasi i mashtruan me firmosje ‘aleancash’ me defterë bakalli, opozita e Lulzim Bashës nisi të luajë teatrin e rradhës veror, duke patur si argument kësaj here, Teatrin e ri Kombëtar. Jo vetëm sipas fotove të postuara nga zoti Veliaj, por edhe sipas projektit të detajuar nga KKT-ja, rezulton se godina e re e Teatrit Kombëtar do të jetë moderne, multifunksionale, dhe me të gjitha kushtet e duhura për aktorët dhe spektatorët e saj.
Ndryshe nga ajo ç’ka ishte deri para disa muajsh, një karakatinë e ngritur për ‘Dopo lavoro’ por që shërbeu për afro 60 vjet si Teatri Popullor, duke mos humbur vlerësimin se brënda saj luajtën rolet e tyre emra të mëdhenj të artit skenik dhe kinematografik. Teatri i opozitës me Teatrin e ri Kombëtar, ka vite që ka nisur, por u konturua politikisht kur vëllezërit Budina dhe disa të tjerë (militantë të PD) hartuan dhe firmosën ‘aleancën për teatrin’. Sa qesharake. Ajo nuk ishte asgjë tjetër, veçse një shkresë në formatin e bardhë A/4, e cila bënte palë në ‘të mirë dhe në të keq’, aktorët me Lulzim Bashën. Palët detyroheshin ti përgjigjeshin njëri-tjetrit në ‘kohë të vështira të regjimit Rama’, por edhe në ‘kohë të arta të qeverisjes re Basha’. Një aleancë e dështuar dhe e keqpërdorur, që u kuptua shumë shpejt nga shumica e aktorëve dhe artistëve, të cilët duke zbuluar qëllimet djallëzore të opozitës, u larguan dhe u bashkuan me idenë dhe investimin e të ardhmes së Teatrit Kombëtar.
Ashtu si deri sot, edhe me investimin madhor të Teatrit të ri Kombëtar, asgjë nuk mund ta zhbëjë dhe zbehë, rrugëtimin drejt krijimit të një koncepti të ri bashkohor edhe në fushën e të bërit art, kulturë, krijimtari artistike në mënyrë krejt të pavarur, dhe më kryesorja në kushte dinjitoze si kudo në Europë. Teatri i opozitës me Teatrin e ri Kombëtar,merr ngjyrime qesharake dhe mosbesuese sapo dikush nga selia blu, nxiton të bëjë avokatinë e së shkuarës pas së cilës Lulzimi gjithmonë ka patur se çfarë të fshehë……..
Lajme të tjera
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54
