Në ditën e dytë të homazheve për vdekjen tragjike të presidentit Ebrahim Raisi, ministrit të Jashtëm Hossein Amir-Abdollahian dhe 7 zyrtarëve të tjerë, turma të mëdha njerëzish u mblodhën në Teheran. Ceremonitë nisën nga Universiteti i Teheranit nën drejtimin e lideri suprem të Iranit, Ayatollah Ali Khamenei.
“O Allah, nga ai pamë vetëm mirë”, tha Khamenei për Raisin.
Njerëzit u afruan për të prekur arkivolet me trupat e pajetë, të mbështjellë me flamuj iranianë. Mbi arkivolin e Raisit u vendos një çallmë e zezë për të shënuar gjoja prejardhjen e tij të drejtpërdrejtë nga Profeti Muhamed.
Përveç liderëve kryesorë të Iranit, në ceremoni morën pjesë edhe personalitete të huaja, përfshirë kryeministrin e Pakistanit, Shehbaz Sharif, një delegacion i udhëheqësve talebanë të Afganistanit të udhëhequr nga ministri i Jashtëm, Amir Khan Mutaqqi.
I pranishëm në homazhe ishte edhe lideri politik i Hamasit Ismail Haniyeh, pasi dihet që Irani e ka mbështetur Hamasin gjatë luftës me Izraelin në Rripin e Gazës. Po ashtu në ceremoni ishte edhe Sheik Naim Qassem, zëvendëslideri i Hezbollahut, grupit libanez që mbështetet nga Irani. Mediat raportuan se gjatë homazheve turma brohoriti “Vdekje Izraelit”.
Ceremonitë e varrimit për presidentin Raisi, e zyrtarët që vdiqën në aksidentin ajror gjatë kthimit nga Azerbajxhani nisën të martën në qendrën klerikale shiite Kom dhe në Tabriz, kryeqytetin e Provincës së Azerbajxhani Lindor të Iranit, ku u rrëzua helikopteri. Nesër pritet të bëhet edhe ceremonia funerale në qytetin e lindjes së Raisit, Mashhad.
Khamenei emëroi si president të përkohshëm Mohammad Mokhberin, i cili mbante funksionin e zëvendësit të parë të Raisit, ndërsa zgjedhjet për presidentin e ri do mbahen në 28 qershor. Ndërsa zëvendësministri i Jashtëm, Ali Baqeri Kani, u emërua ministër i Jashtëm në detyrë, sipas mediave iraniane.
Ngushëllime për vdekjen e Raisit shprehu edhe DASH, ndërsa këshilltari i sigurisë në Shtëpinë e Bardhë John Kirby tha se ai kishte shumë gjak në duart e tij pasi mbështeste grupet ekstremiste.
Lajme të tjera
-
Gjykata iraniane dënon karikaturisten me gjashtë vjet burgim për aktivizëm
13 Qershor, 15:05 -
Sanksione të reja nga Kosova për Rusinë, Iranin dhe Bjellorusinë
13 Qershor, 14:11 -
Konservatorët dominojnë listën e kandidatëve për president të Iranit
11 Qershor, 09:14 -
Irani përzgjedh gjashtë kandidatë për zgjedhjet presidenciale
9 Qershor, 15:35 -
Ish-presidenti iranian Ahmadinejad, në garë për ta pasuar Raisin
2 Qershor, 14:45 -
Gjykata iraniane dënon gazetaren me 21 vjet burgim për 'propagandë kundër regjimit'
28 Maj, 21:15 -
Autoritetet iraniane rrisin shtypjen ndaj zërave kritikë pas vdekjes së Raisit
28 Maj, 08:38 -
Vdekja e Raisit mund të nxisë një ‘luftë’ për postin e liderit suprem
25 Maj, 10:33 -
Raporti paraprak: rrëzimi i helikopterit me të cilën udhëtonte presidentin iranian, jo i qëllimtë
24 Maj, 19:42 -
Familjarët e viktimave të ekzekutimeve masive në vitet ’80 të lehtësuar pas vdekjes së Raisit
22 Maj, 09:06 -
Iran/ Në Tabriz homazhe për presidentin Ebrahim Raisi, të enjten ceremonia mortore
21 Maj, 16:53 -
Vdekja e presidentit Raisi, Irani në krizë për pasardhësin! Zgjedhjet mbahen në 22 qershor, ende s’ka një kandidat potencial
21 Maj, 13:27
