Irani ka bërë të ditur më 25 dhjetor se do të vazhdojë përpjekjet për ta liruar një ish-zyrtar iranian të dënuar në Suedi me burgim të përjetshëm për rolin e tij në një ekzekutim masiv të të burgosurve politikë në Iran.
“Ky vendim i padrejtë dhe i egër nuk i përfundon përpjekjet diplomatike të Iranit për ta riatdhesuar dhe liruar këtë shtetas iranian dhe ne do t’i përdorim të gjitha mjetet ligjore në dispozicion”, tha zëdhënësi i Ministrisë së Jashtme, Nasser Kanaani, pa specifikuar se çfarë masa do të ndërmerrte Irani.
Më 19 dhjetor, një gjykatë e apelit në Suedi la në fuqi vendimin për dënim me burgim të përjetshëm ndaj ish-zyrtarit iranian, Hamid Noury, për vrasje dhe kryerje të krimeve të rënda kundër ligjit ndërkombëtar.
“Ne kundërshtojmë seriozisht vendimin dhe atë që ka ndodhur gjatë periudhës së gjatë të paraburgimit të këtij shtetasi... dhe të drejtat e tij themelore nuk janë respektuar në burgjet e Suedisë”, tha Kanaani në një konferencë javore për shtyp.
“Shpresojmë që Suedia do të ndërmarrë veprime serioze për të kompensuar gabimet e veta”, shtoi ai.
Më herët në dhjetor, Irani filloi gjykimin e një shtetasi suedez, Johan Floderus, i punësuar nga Bashkimi Evropian, që akuzohet për spiunazh për Izraelin dhe për “mosbindje ndaj Zotit”, krim ky që dënohet me vdekje.
Organizatat joqeveritare për të drejtat e njeriut dhe qeveritë perëndimore e kanë akuzuar Republikën Islamike se po përpiqet të nxjerrë kompromise politike nga vendet e tjera përmes arrestimeve me akuza që mund të jenë të sajuara.
Teherani thotë se arrestime të tilla bazohen në kodin e tij penal dhe mohon se po mban njerëz të burgosur për arsye politike.
Grupet e të drejtave kanë paralajmëruar gjithashtu se Ahmadreza Djalali, një shtetas suedez-iranian i dënuar me vdekje në Iran me akuzën e spiunimit për Izraelin, mund të ekzekutohet pas vendimit të marrë ndaj Nouryt.
Djalali, një mjek dhe studiues i mjekësisë, u arrestua në vitin 2016 ndërsa ishte në një vizitë akademike në Iran.
“Suedezo-iraniani Ahmadreza Djalali është në rrezik të madh të ekzekutimit të menjëhershëm në Iran, si hakmarrje”, shkroi Amnesty në platformën X, më 22 dhjetor.
Marrëdhëniet midis Suedisë dhe Iranit janë përkeqësuar që nga viti 2019 kur Suedia arrestoi Nouryn për rolin e tij në ekzekutimin masiv dhe torturimin e të burgosurve politikë në vitet 1980./REL
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
Lirohet pa akuza gruaja iraniane që u zhvesh në shenjë proteste
19 Nëntor, 20:00
