Tejmbushet Stambolli në fundjavën e dytë pas lehtësimit të kufizimeve antiCOVID

Është e shtuna e dytë që pas lehtësimit të masave kufizuese dhe skenat në Stamboll të bëjnë të mendosh që COVID-19 është zhdukur totalisht.

Mijëra qytetarë u drejtuan parqeve dhe bregdetit të etur për liri duke shkaktuar një mbipopullim të gjitha zonave dhe një  rritje të trafikut me 72 përqind.

Disa prej tyre u panë në biçikleta, apo u ulën në bar ose në breg të detit për orë të tëra duke shijuar diellin.

Shumë u drejtuan në zona të ndryshme për të shijuar një nga panimet e famshme me peshk. Ndërkohë që baret dhe restorantet në Üsküdar, u tejmbushen po ashtu.

Sheshi historik i Taksimit dhe Rruga Istiklal, pas muajsh të gjatë heshtje masive filloi të gjallërohej. Njëjtë ishte situata edhe në Arnavutköy, Bebek, Baltalimanı dhe Avcılar. 

 

 

TAG:
• turqi
• Koronavirus
• masat anticovid