POP 5

Lajmet më të lexuara të 5 minutave të fundit

Kultura

Tek “Reja”, dhjetë netë me
kinemanë italiane, titrat shqip

Për 10 të marta rresht, duke filluar nga data 30 maj deri më 1 gusht do të shfaqen, pranë instilacionit “Reja”, filma italianë me titra në gjuhën shqipe. VIDEO
Tek “Reja”, dhjetë netë me<br />kinemanë italiane, titrat shqip
Për 10 të marta rresht, duke filluar nga data 30 maj deri më 1 gusht do të shfaqen, pranë instilacionit “Reja”, filma italianë me titra në gjuhën shqipe.
 
Edicioni i dytë i veprave kinematografike verore me titull “10 Netë të Kinemasë Italiane” do të vijojë me risi, pohojnë organizatorët që janë: Instituti Italian i Kulturës, Ministria e Punëve të Jashtme dhe Bashkia e Tiranës.
 
Sipas zëdhënësve të këtyre institucioneve “nisma, e frymëzuar nga i njëjti shpirt që animoi mbrëmjet e edicionit të parë, synon të ofrojë një mundësi për t'u takuar dhe argëtuar, të rinj dhe të vjetër që do të qëndrojnë në qytet gjatë verës” Filmat në programacion për edicionin e këtij viti, janë të llojit dramatik dhe komedi.
 
Nga “Më falni që ekzistoj!” me Paola Cortellesi dhe Raul Bovën te filmi komik “Bukuroshët e babait” me regji të Guido Chiesa dhe aktor Diego Abatantuono, “Pafsh ëndrra të bukura!” i Marco Belloçhio, i bazuar në romanin me të njëjtin titull të Massimo Gramellini, “Karrigia e lumturisë”, vepra e fundit e Carlo Mazzacurati para vdekjes së tij të parakohshme.
 
Do të projektohet gjithashtu filmi “E thërrisnin Jeeg Robot”, shumë i vlerësuar nga kritika dhe publiku. Gjatë këtyre dhjetë ditëve do të ketë filma që kanë fituar çmimet OSCAR.
 
Kjo përmbledhje antologjike e filmave italianë përfshin edhe shfaqjen e filmit dokumentar “Askush s’do të më gjejë” i Egidio Eronico frymëzuar nga figura e fizikantit italian Ettore Majorana. Nata e parë do të nis me filmin e di Ai lart, me regji të Edoardo Falcone.
 
Pjesëmarrja do të jetë e lirë për këdo që dëshiron të marrë pjesë.

reja

Redaksia Online
Al.N/Shqiptarja.com

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Bie muri mbrojtës krah rrugës kryesore në zonën e Ujit të Ftohtë

Bie muri mbrojtës krah rrugës kryesore në zonën e Ujit të Ftohtë

31 Mars, 08:40