POP 5

Lajmet më të lexuara të 5 minutave të fundit

Bota

Temperaturat deri në 47 gradë i vënë ‘flakën’ Europës! Portugalia, Spanja e Franca në gjendje kritike nga zjarret! Deri tani mbi 300 viktima

Numri i viktimave si pasojë e temperaturave të larta i ka kaluar 300 në Europë, ku një pjesë e madhe e vendeve po përballen me një nxehtësi ekstreme. Zjarret kanë pushtuar qindra mijëra hektarë tokë, duke bërë që disa rajone të shpallin gjendjen e jashtëzakonshme.

Mijëra zjarrfikës po luftojnë me zjarret në Portugali, Spanjë dhe Francën jugperëndimore, nën kontrollin e një valë të nxehti që nuk tregon asnjë shenjë lehtësimi. Zjarret vijojnë shkatërrimin e rajonit Zhirondë në Francë, ku mbi 12 mijë njerëz janë evakuuar  dhe mbi 10 mijë hektarë tokë janë shkrumbuar.

Që nga e marta, temperaturat janë rritur në 47 gradë celcius në Portugali dhe mbi 40 gradë celcius në Spanjë, duke shkaktuar thatësirë, ndërsa zjarret kanë djegur mbi 30 mijë ha sipërfaqe toke. Më shumë se 300 njerëz kanë vdekur nga të nxehtit në të dy vendet, raporton agjencia spanjolle e lajmeve Efe.

Në Itali , qeveria ka shpallur një gjendje të jashtëzakonshme në Luginën e tharë “Po” - lumi më i gjatë i vendit.

Franca gjithashtu po përjeton një valë të nxehti me temperaturat mbi 40 gradë Celsius, ndërsa parashikimet janë për tejkalim të tyre. 16 rajone janë në alarm portokalli për të nxehtin ekstrem.

Kreu i federatës së zjarrfikësve të Francës ka paralajmëruar për ndikimin që ngrohja globale ka në mbrojtjen civile, duke thënë se efektet që priteshin rreth vitit 2030, janë shfaqur pikërisht tani.

Valët e të nxehtit janë bërë më të shpeshta, më intensive dhe zgjasin më gjatë për shkak të ndryshimeve klimatike të shkaktuara nga njerëzit. Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha në emetimet e karbonit.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33