Temperaturat, fluks shtrimesh në
QSUT, 100 fëmijë çdo ditë

TIRANE - Rritja e papritur e temperaturave gjatë këtyre dy ditëve të fundit, ka rritur numrin e atyre që shkojnë në urgjencën e QSUT-së. Sidomos kjo te urgjenca e pediatrisë, ku numri i fëmijëve që shkojnë çdo ditë ka mbërritur në 100 të vegjël.

Numër të shtuar vizitash ka pasur edhe në urgjencën e infektivit, ku mesatarisht numri i atyre që kërkojnë ndihmën mjekësore, këto ditë ka arritur deri në 80 persona në ditë.n Mjekët thonë se pjesa më e madhe marrin ndihmën e duhur mjekësore dhe kthehen në shtëpi dhe vetëm një pjesë shumë e vogël shtrohen.

Ata këshillojnë që sidomos prindërit të jenë të kujdesshëm ndaj çdo shenje të të vegjëlve të tyre dhe të mos neglizhojnë asgjë.

Shkrimi u botua sot në gazetën Shqiptarja.com (print) 16.06.2013
 
Redaksia Online
(b.m/shqiptarja.com)