PD: 100 mln lekë tender fiktiv për veshjet e policëve! Bashkia e Tiranës rrëzon akuzat

PD: 100 mln lekë tender fiktiv për veshjet e policëve! Bashkia e Tiranës rrëzon akuzat

Zëdhënësja e PD-së Ina Zhupa

TIRANE-Partia Demokratike përmes zëdhënëses Ina Zhupa akuzoi sot kryetarin e Bashkisë së Tiranës për tenderin për veshjet e policëve. Ajo u shpreh se Bashkia e Tiranës ka shpallur fituese të tenderit 100 milionë lekë për uniformat e policëve bashkiakë, një kompani që kishte detyrime tatimore të papaguara dhe me vetëm 1 punëtor.

Bashkia e Erjon Veliajt është një nga institucionet ku korrupsioni është mënyra e vetme që funksionon për punët publike dhe shërbimet e tjera. Tenderi 100 milion lekë për veshjet e policëve bashkiakë është një rast flagrant ku korrupsioni dhe shkelja e ligjit bëhet aq hapur sa çdo qytetar e kupton, mjafton të shohë dokumentet që ne disponojmë. Vjedhje më të hapur se kjo nuk ka sepse në bashkinë e Veliaj tenderet janë në interes të xhepit të Veliajt. Nëse do të kishte Prokurori, Erion Veliaj dhe ata që e zbatuan tenderin sot duhej të ishin në burg për tenderin 100 milionë lekë!

Ina Zhupa

Por Bashkia e Tiranës ka reaguar menjëherë duke hedhur poshtë si të pavërteta deklaratat e bëra nga Partia Demokratike. Bashkia e Tiranës sqaron se kur është bërë tenderi të cilit i referohet Partia Demokratike në deklaratën e saj, kompania në fjalë ka rezultuar pa detyrime në tatime. Gjithmonë sipas bashkisë së Tiranës këtë e vërteton edhe vërtetimi që kjo kompani ka dorëzuar së bashku me dokumentet e tenderit.


Dokumenti i publikuar nga Bashkia e Tiranes

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben Tironci: 22/07/2018 18:36

    I mbaruan brisqet burrat e Tirones per Lali Erin...e tani kane filluar femrat me mar makinat e rrojes...mire PD

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund