‘Provokimet e vazhduara të stërvitjeve të SHBA-vë po rrisin tensionet mes Moskës dhe NATO-s’, kështu u shpreh Presidenti rus Vladimir Putin në një komunikatë me Presidentin francez Emmanuel Macron të hënën.
Të dy udhëheqësit shprehën pakënaqësi me atë që Moska e quajti një situatë "përkeqësuese" në Ukrainën lindore, thuhet në deklaratën e Kremlinit.
Macron dhe Putin bien dakord për 'de-përshkallëzimin' e krizës Bjellorusi/Poloni - Francë. Megjithatë duhen theksuar përplasjet e fundit mes Macron dhe Biden lidhur me marrëveshjen e nëndetëseve mes Australisë dhe Francës e cila i kushtoi kësaj të fundit milliona dollarë.
Komentet e Putinit erdhën pasi vendet perëndimore ngritën alarmin për aktivitetet ushtarake ruse pranë Ukrainës. Sipas Elysee, Macron i tha Putinit se Franca ishte e gatshme të mbronte integritetin territorial të Ukrainës.
Javën e kaluar, Putin tha se Kremlini i konsideroi stërvitjet e fundit të Detit të Zi nga SHBA dhe anijet e tjera të NATO-s si një sfidë serioze. Ai i tha televizionit shtetëror se Ministria e Mbrojtjes e Rusisë "kishte një propozim për të mbajtur stërvitjet e veta të paplanifikuara në të njëjtat ujëra".
‘Por unë besoj se kjo është e papërshtatshme dhe nuk ka nevojë të përshkallëzohet më tej situata’, shtoi ai.
Putini në dukje iu referua disa luftanijeve amerikane që merrnin pjesë në stërvitjet në Detin e Zi, të cilat Moska ka thënë se po monitoronte. Sipas deklaratës së Kremlinit, Putin kritikoi gjithashtu Ukrainën për "përdorimin e fundit" të dronëve në konfliktin e saj me rebelët pro-rusë.
Muajin e kaluar, Kievi publikoi pamjet e asaj që tha se ishte përdorimi i parë i dronit TB2 Bayraktar të prodhimit turk kundër separatistëve. Putin tha se kjo shkel marrëveshjet e paqes të nënshkruara në Minsk në 2015.
Kryediplomati amerikan Antony Blinken paralajmëroi Moskën javën e kaluar që të mos bënte një tjetër "gabim serioz" në Ukrainë, ndërsa Uashingtoni kërkonte qartësi në lidhje me lëvizjet e trupave pranë kufirit. BE-ja ka thënë se është gjithashtu e shqetësuar nga aktivitetet ushtarake ruse pranë kufirit.
Blloku 27-vendesh tha se po monitoronte situatën me partnerët, përfshirë SHBA-në dhe Britaninë.
Akuzat vijnë në mes të tensioneve në rritje midis BE-së dhe Moskës për një bllokim të emigrantëve në kufirin midis Polonisë dhe Bjellorusisë aleate të Kremlinit.
Në vitin 2014, Moska aneksoi gadishullin e Krimesë të Kievit dhe që atëherë Ukraina ka luftuar një konflikt me rebelët pro-rusë në lindje të vendit. Konflikti ka marrë më shumë se 13,000 jetë.
Komente
Lajme të tjera
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Tronditet Nju Jorku, burri djeg një grua në metro, ndërron jetë! Policia në kërkim të autorit
22 Dhjetor, 22:25 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45
U mesuat me Jelcinin qe rrinte dite e nate tape.
Përgjigju