Tensionet në veri, Gazeta italiane 'La Repubblica': Moska ndez konfliktin në Kosovë

“Moska ndez konfliktin në Kosovë”, kështu shkruan gazeta italiane ‘La Repubblica’ për tensionet në veri. Në artikull sqarohet se kryeministri Albin Kurti ka akuzuar Rusinë për vendimin e politikanëve të Listës Serbe dhe policëve për t’u larguar nga të gjitha institucionet e Kosovës si shenjë proteste si dhe Beogradi ka vendosur ushtrinë në gatishmëri.

“Këtë herë shpërthimi është edhe më afër Italisë. Një zjarr mbi të cilin fryjnë me kokëfortësi emisarët e Kremlinit, me të njëjtin qëllim si për pushtimin e Ukrainës: të vihet në dyshim arkitektura e sigurisë në Europë e projektuar në tridhjetë vitet e fundit. Duke filluar nga ku filloi gjithçka: Ballkani. Serbët sot u mblodhën në Mitrovicën e Veriut, ku u mbajt një tubim protestues i thirrur nga Lista Serbe.

Para zyrtarëve të kësaj partie, policët serbë të shtunën i zhveshën uniformat e Policisë së Kosovë. Sipas Listës Serbe, s’ka më asnjë serb në institucionet e Kosovës, përfshirë Qeverinë dhe Parlamentin. Ky vendim erdhi pas refuzimit të Qeverisë së Kosovës për të hequr dorë nga vendimi për zëvendësimin e targave të automjeteve, të cilat lëshohen nga Serbia”, shkruan “La Repubblica”.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Pse largimi i Listës Serbe nga institucionet e Kosovës ka nxitur tensione:

Jo më larg se ditën e djeshme, në mos dakordësi me vendimet e qeverisë së Kryeministrit të Kosovës Albin Kurti për targat, kryetari dhe 10 deputetë të tjerë kanë dhënë dorëheqjen. Kjo lëvizje nxit tensione dhe regres pasi thyhet marrëveshja e arrirë në vitin 2013 për veriun e Kosovës. Për të pasur një dialog të lehtësuar Bashkimi Evropian hartoi marrëveshjen e cila “lejon” integrimin  e serbëve në institucionet e Kosovës, në dy fusha: drejtësi dhe siguri.

A.M./Shqiptarja.com

TAG:
• La Repubblica
• moska
• kosove