Situata në veri të Kosovës vijon të jetë e tensionuar, ndërsa ndërkombëtarët po përpiqen që të ulin dy palët në bisedime për të gjetur një zgjidhje për çtensionim të situatës. Pas takimit me Aleksandër Vuçiç, presidentja Vjosa Osmani paralajmëroi mundësinë e mbajtjes së zgjedhjeve në veri të Kosovës. Por, kryebashkiaku i ri i komunës Zubin Patok, Izmir Zeqiri tha për Report Tv se nuk do ta japë dorëheqjen.
Në një intervistë për emisionin ‘Pa Protokoll’ me gazetaren Anduela Ndreu, Zeqiri tha se nuk ka asnjë arsye përse të japë dorëheqjen. Sipas tij, organizimi i zgjedhjeve të reja, do të përkeqësonte situatën në veri të Kosovës.
“Nuk e shoh të arsyeshme të kontestoheshin, hapësira ligjore e mundëson. Unë e kam thënë dhe jam i orientuar i tillë, sa i përket dorëheqjes, tani për tani, po e shoh që po bisedohet kjo çështje, nuk është arsyeja që të jepet dorëheqja, por nëse është një element, kushtetues dhe ligjor shkarkimi, mirëpo nuk ka asnjë lloj arsyeje për momentin të dorëhiqemi. Duhet analizuar pak më gjerësisht çështja. Pse duhet të dorëhiqemi dhe a ka nevojë që në këtë momente të futemi sërish në zgjedhje. Unë besoj se do përkeqësohej problemi që nëse do të futeshim në zgjedhje”, u shpreh Zeqiri.
Zeqiri thotë se e gjithë kjo situatë e krijuar nga serbët ka vetëm një qëllim, që ata të thyejnë rendin dhe ligjin në Kosovë.
“Neve nuk kemi parashikuar që të hasim në këto vështirësi, por ja që po ballafaqohemi. Duke e ditur veprimtari kriminale të grupeve kriminale të financuara nga Serbia dhe shërbimet informative të Rusisë, kanë arritur që në këto treva të atakojnë rendin dhe ligjin kushtetues. Përpjekjet e tyre kanë qenë dhe tani më veç janë në veprim, në mesin e tyre e kanë instrumenatlizuar popullatën shumicë në këto komuna duke i detyruar të dalin të protestojnë, duke vepruar pas shpinës së qytetarëve me veprime kriminale, terroriste. Janë në veprim e sipër, qëllimi është ta thyejnë rendin dhe ligjin në Kosovë”, tha Zeqiri.
Kreu i komunës Zubin Patok tha se nuk ka pasur koërcëim direkt nga Lisa Serbe, ndërsa për kryeministrin Albin Kurti tha se e ka detyrim që të ruajë sovranitetin e Kosovës dhe sipas tij është në rrugën e duhur.
“S’kam marr kërcënim të drejtpërdrejtë, sa i përket qëndrimit të organeve të drejtësisë në objekt, situata ka ardhur që duhet të qëndrojnë organet e sigurisë për shkak të uzurpimit. (...) Është në rrugën e duhur, nuk do të thotë që megjithë obligimet kushtetuese që të qëndrojë në rrugën e duhur, po insiston por edhe është i obliguar ta ruajë sovranitetin, e shoh si obligim”, tha ai.
Lajme të tjera
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32
