Përfaqësuesi i Politikës së Jashtme të Bashkimit Evropian, Josep Borrell ka ripërsëritur ftesën për Presidentin e Serbisë, Aleksander Vuçiç dhe kryeminstrin e Kosovës Albin Kurti, për t’u ulur në tryezën e bisedimeve më 18 gusht për shkak të tensioneve në veri të Kosovës.
“Unë po e ftoj presidentin e Serbisë, Aleksandar Vuçiç dhe kryeministrin e Kosovës, Albin Kurti më 18 gusht në Bruksel, për të diskutuar rrugën përpara ndërmjet Prishtinës dhe Beogradit”- shkroi Borrell në Twitter.
Kujtojmë që tensionet në veri të Kosovës, u nxitën për shkak të reciprocitetit. Kryeministri Albin Kurti vendosi që të shtyjë një muaj zbatimin e vendimit për masat e reciprocitetit lidhur me dokumentet e identifikimit dhe përdorimin e targave të lëshuara nga autoritetet serbe. Pavarësisht shtyrjes së vendimit, policia e Kosovës tha se situata ishte e qetë, por rrugët që çojnë për në pikëkalimet kufitare në Jarinjë dhe Bërnjak, u liruan vetëm në orët e drekës s 1 gushtit.
Kurti tha se ka pasur të shtëna dhe barrikada me njerëz të armatosur por nuk pati të lënduar. Vendimi për shtyrjen e zbatimit për reciprocitetin, u mor pak pas mesnate, pas takimit të udhëheqësve të Kosovës me ambasadorin amerikan Jeff Hovenier i cili kërkoi një shtyrje 30 ditëshe.
Kreu i diplomacisë evropiane, Josep Borrell fton kryeministrin e Kosovës, Albin Kurti dhe presidentin serb, Aleksandar Vuçiç të takohen në Bruksel për të diskutuar rrugën përpara ndërmjet Prishtinës dhe Beogradit.
Kryeministri i Kosovës, Albin Kurti dhe presidenti i Serbisë, Aleksandër Vuҫiç pritet të takohen në Bruksel më datën 18 gusht. Këtë e konfirmoi vetë kryediplomati europian, i ngarkuari i Bashkimit Evropian për politikën e Jashtme dhe të Sigurisë, Josep Borrell. Në një postim në Twitter, ai shkroi se “takimi është ftuar për të diskutuar rrugën përpara ndërmjet Prishtinës dhe Beogradit”.
"Po ftoj presidentin e Serbisë, Aleksandër Vuçiç dhe kryeministrin e Kosovës, Albin Kurti më 18 gusht në Bruksel, për të diskutuar rrugën përpara ndërmjet Prishtinës dhe Beogradit”, shkroi Borrell.
Ftesa vjen pas tensionimit të situatës në veri të Kosovës për shkak të vendosjes së barrikadave nga serbët lokalë, pasi qeveria e Kosovës mori vendim për vendosjen e reciprocitetit me Serbinë në dokumente të udhëtimit dhe targa të automjeteve. Pas përshkallëzimit të situatës, Qeveria e Kosovës me kërkesë të Josep Borrell që u mbështet edhe nga SHBA-së, shtyu zbatimin e vendimeve për reciprocitet me një muaj.
Stano: Dialogu zgjidh mosmarrëveshjet
Zëdhënësi i Bashkimit Evropian, Peter Stano, tha se BE-ja po e përcjell me shqetësim situatën në veri të Kosovës dhe njëkohësisht u ka bërë thirrje palëve që mënyra më e mirë për të zgjidhur mosmarrëveshjet janë negociatat.
"BE-ja ka qenë dhe mbetet në kontakt të ngushtë me Kosovën dhe Serbinë për të qetësuar tensionet, në koordinim të ngushtë me EULEX-in, KFOR-in dhe partnerët ndërkombëtarë, veçanërisht me SHBA-në”, tha Peter Stano. Sipas tij, "gjithë të përfshirët duhet të qëndrojnë të qetë dhe çdo veprim i pakoordinuar dhe i njëanshëm që rrezikon stabilitetin dhe sigurinë në terren dhe pengon lirinë e lëvizjes së të gjithë qytetarëve duhet të ndalet”.
Sipas Stanos, mënyra e vetme për të zgjidhur mosmarrëveshjet është përmes dialogut dhe negociatave.
"Të gjitha çështjet e hapura duhet të adresohen përmes dialogut të ndërmjetësuar nga BE. Fokusi duhet të kthehet te normalizimi gjithëpërfshirës i marrëdhënieve ndërmjet Kosovës dhe Serbisë, i cili është thelbësor për rrugët e tyre përkatëse të integrimit evropian”, u shpreh Peter Stano.
Asociacioni i Komunave me Shumicë Serbe
E njëra ndër problematika e pazgjidhura është ajo e Asociacionit të Komunave me Shumicë Serbe. Ende nuk është konfirmuar nëse çështja e Asociacionit do të diskutohet në takimin Kurti-Vuҫiç më 18 gusht, por modalitete të Asociacionit mund të diskutohen, ka paralajmëruar i ngarkuari i SHBA-së për Ballkanin Perëndimor, Gabriel Escobar. Megjithatë ai tha se “krijimi i Asociacionit të komunave me shumicë serbe nuk duhet të jetë në kundërshtim me Kushtetutën e Kosovës, dhe të krijojë “shtet brenda shtetit”. Gjatë një bashkëbisedimi me gazetarët, Escobar tha se qëndrimi i SHBA-së është që të zbatohen të gjitha marrëveshjet e arritura në kuadër të dialogut Kosovë-Serbi, por tha se duhet të ketë diskutim për çështjen e Asociacionit, që të mos bjerë ndesh me ligjet.
Escobar: Asociacioni jo në kundërshtim me Kushtetutën e Kosovës
Escobar është shprehur se e kemi qenë të qartë se palët janë pajtuar më herët për Asociacionin, prandaj duhet të diskutohet.
"Megjithatë Asociacioni nuk duhet të ndërhyjë, nuk duhet të jetë në kundërshtim me Kushtetutën e Kosovës, nuk duhet të krijojë probleme në funksionalitetin e Kosovës dhe nuk duhet të jetë shtet brenda një shteti", deklaroi Gabriel Escobar.
Sipas tij, ka modele të shumta evropiane, ku minoritetet mund të mbrojnë trashëgiminë e tyre kulturore dhe gjuhën amtare, por pa shkelur kornizën kushtetuese të vendit ku jetojnë.
Asociacioni i Komunave me Shumicë Serbe, marrëveshje kjo e nënshkruar ndërmjet Kosovës dhe Serbisë në vitin 2013, parasheh që të mbledhë rreth vetes dhjetë komuna në Kosovë të banuara me shumicë serbe: Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë. Prishtina zyrtare këtë Asociacion e cilëson një-etnik, ndërkaq Serbia insiston në krijimin e tij./DW
Komente
Lajme të tjera
-
Bombardimi i bazës së UNIFIL, reagon edhe kreu i diplomacisë së BE, Borrell: Dënoj sulmin, një shkelje e papranueshme!
22 Nëntor, 22:39 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Vuçiç konfirmon se do të vizitojë Moskën në muajin Maj
19 Nëntor, 23:02 -
Media: Putin ka ftuar Vuçiçin për vizitë në Moskë
18 Nëntor, 20:19 -
Kurti pret vendim të drejtë për gjuhën shqipe në RMV! Mickoski: Tensionet etnike vijnë nga politikanë pa ide, nuk e ndikojmë kushtetuesen
18 Nëntor, 19:47
-
Albin Kurti: Gjuha shqipe s’është zyrtare në RMV! BDI i tregon kushtetutën
18 Nëntor, 16:19
Borell është proserb një sojë si Edvin shkjau shqipfolës!
Përgjigju