Tensionet në Veri, Presidenti kroat: Beogradi ta pranojë një herë e mirë se ‘Kosova nuk është Serbi’

Presidenti i Kroacisë, Zoran Milanoviç, ka thënë se Serbia duhet ta pranojë që Kosova është e pavarur dhe ta pranojë përfundimisht se Kosova nuk është serbi.

 “Jo Kosova nuk është Serbi, kjo është punë e kryer”, ka deklaruar ai.

LEXO EDHE:
Petkoviç: Prishtina s’më lejoi të vizitoj veriun e Kosovës

“Serbia duhet ta kuptojë dhe pranojë se Kosova është e pavarur. Fatkeqësisht, kjo nuk është pranuar as nga disa anëtarë të Bashkimit Evropian”, deklaroi të martën para gazetarëve Milanoviç.

Ai ka deklaruar se në samitin e NATO-s vitin e kaluar, ai u ka bërë thirrje vendeve evropiane të cilat nuk e kanë njohur Kosovën që ta bëjnë këtë.

“Por, është si të flasësh me një mur. Disa vende nuk e kanë njohur, sepse i frikësohen precedentëve që përfundimisht, në ndonjë moment krize, në një rënie imuniteti, mund të zbatohen në vendet tyre dhe t’u merret diçka”, theksoi Milanoviç.

Lajmi kryesor:

Sërish tensione në veri, plagoset një polic i Kosovës në Zveçan! Komandanti i KFOR-it: Po të mos ndërhynim, tani do të mbanim zi për të vdekurit

K.T./Shqiptarja.com

TAG:
• tensione ne veri te kosoves
• kosove
• serbi