Klevis Balliu i ‘Rithemelimit’ ka reaguar në lidhje me situatën e tensionuar në veri të Kosovës, për reciprocitetin e targave dhe të letërnjoftimeve. Balliu shkruan se Vuçiç është Putin i Ballkanit dhe se me gjuhën e Millosheviçit ka paralajmëruar Perëndimin se nëse qeveria e Kosovës kalon Ligjin e Reciprocitetit, presidenti Serb do të kthejë një përgjigje të ashpër ndaj këtij ligji të një shteti sovran.
‘Vuçiç Putini i Ballkanit! Serbia e Vuçiçit të Millosheviçit ka vendosur bllokadë në territorin e Republikës së Kosovës. Me këtë akt Serbia vërteton se i mbetet dhe vazhdon ideologjinë e Millosheviçit.
Vuçiç ka paralajmëruar me gjuhën Millosheviçjane Perëndimin se nëse qeveria e Kosovës kalon Ligjin e Reciprocitetit, Presidenti Serb do të kthenjë një përgjigje të ashpër ndaj këtij ligji të një shteti sovran.
![]()
Europa dhe bota demokratike duhet ta shikojnë dhe të kuptojnë qartë që Vuçiçi nuk është asgjë më shumë apo më pak se një Putin i vogël me dashuri për Millosheviçin, që si themel të politikave të tij ka luftën dhe racizmin.
Vuçiç dhe aleatët e tij në Ballkan janë rrezik për stabilitetin në rajon. Deri më sot Vuçiç dhe aleatët e tij kanë arritur të fshehin planet e vërteta të tyre nëpërmjet nismave si Ballkan i Hapur dhe fotografi me politikanë perëndimor. Serbia e Vuçiçit nuk ka asnjë ndryshim nga Serbia e Millosheviçit.’- shkruan Balliu.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)