Tensionet, Presidenti i Ukrainës: Nuk ka rrugë tjetër për ne veç NATO-s! Stoltenberg: Rusia mund të përdorë një pretekst për të justifikuar pushtimin

Presidenti i Ukrainës, Volodymyr Zelensky ka thënë se për vendin e tij nuk ka rrugë tjetër veç anëtarësimit në NATO. Ai i ka dhënë kështu një përgjigje të qartë Rusisë, që kërkon që një gjë e tillë të mos lejohet, por megjithatë Zelenskypranoi se anëtarësimi në NATO nuk mund të ndodhë tani. Sipas tij, ky është një proces i gjatë dhe Ukraina as që e ka filluar.

Ndërkohë Sekretari i Përgjithshëm i NATO-s, Jens Stoltenberg, thotë se Rusia mund të përdorë një pretekst të rremë për të justifikuar përdorimin e forcës kundër Ukrainës.

"Ne jemi të shqetësuar se Rusia po përpiqet të krijojë një pretekst për një sulm të armatosur kundër Ukrainës," tha ai në një konferencë për shtyp në Bruksel.

"Rusia ka grumbulluar forcën më të madhe që kemi parë në Evropë për dekada në Ukrainë dhe rreth saj. Ka shumë oficerë të inteligjencës ruse të stacionuar në Ukrainë. Ne kemi parë përpjekje për të organizuar pretekst, operacione false për të një justifikim për pushtimin e Ukrainës", tha Stoltenberg.

Situata mes Rusisë dhe Ukrainës është ende e tensionuar, ku në një kohë që  Rusia pretendon se ka tërhequr një pjesë të trupave, Perëndimi shprehet se një gjë e tillë nuk ka ndodhur.

Lajmi kryesor:

Ukrainë-Rusi, sërish tensione! Separatistët e Donbasit akuzojnë: Po na sulmojnë! Mohon Kievi: Rebelët kanë qëlluar! SHBA: Lajmet për tërheqje janë false, rusët kanë shtuar 7000 ushtarë

/SI.E./Shqiptarja.com

TAG:
• Rusi
• ukraine
• konflikti rusi-ukraine
• nato
• Volodymyr Zelensky
• jens stoltenberg