Të armatosur dhe të maskuar si policë, 5 persona grabisin një banesë në Elbasan! I ikin patrullës së policisë! Familjarët: Ishim në gjumë

Pesë persona të maskuar si punonjës policie dhe të armatosur kanë hyrë në një banesë, me qëllim për të vjedhur. Autorët janë pikasur nga familjarët që ndodheshin në shtëpi çka i ka detyruar të largohen.

Pronari i shtëpisë Lorenc Zerellari tregon për mediat se ishin në gjumë kur personat e maskuar si efektivë policie hyn në banesë dhe i kërkuan paratë.

“Ishim duke fjetur gjumë. Të maskuar si policë më thanë mos lëviz ‘Policia’. Më pyeti ku i kisha lekët. E gjitha ngjarja zgjati për 15 minuta. Në shtëpi kishim 6 fëmijë, janë tramaksur. Nuk e di kush e ka bërë këtë gjë”, thotë ai.

LEXO EDHE:
Vjedhja e banesës në Elbasan, Report Tv siguron foto të autorëve të maskuar si policë

“U tremba se isha në gjumë dhe më gjuajtën me pistioletë. Ishin nja katër veta”, tregon 19-vjeçari.

Sipas policisë ato kanë arritur të vjedhin 4 telefona celularë dhe një shumë parash në banesë.

Ndërkohë gjatë largimit, ata janë ndjekur nga një patrullë policie të cilët kanë braktisur automjetin në rrugë dhe janë larguar në drejtim të paditur. Efektivët kanë sekuestruar dhe 2 automjete, që dyshohen se janë përdorur gjatë ngjarjes si dhe veshje të ngjashme me uniformat e Policisë.

Elbasan/Informacion paraprak

Në lagjen “5 Maji”, shtetasi L. Z. ka njoftuar se rreth orës 04:05 të mëngjesit, disa persona të paidentifikuar janë futur në banesën e tij dhe, nën kërcënimin e armës së zjarrit, i kanë marrë 4 telefona celularë dhe një shumë parash.

Menjëherë pas marrjes së njoftimit, shërbimet e Policisë kanë shkuar në vendngjarje. Sapo kanë konstatuar praninë e shërbimeve të Policisë, personat janë larguar në drejtim të zonës kodrinore, duke përfituar nga errësira, dhe kanë braktisur automjetet. Vijon ndjekja për kapjen e tyre.

Në vijim të veprimeve, janë gjetur dhe sekuestruar 2 automjete, të dyshuara se janë përdorur gjatë ngjarjes, veshje të ngjashme me uniformat e Policisë dhe prova të tjera që do t’i shërbejnë grupit hetimor për zbardhjen dhe dokumentimin e rastit.

Po punohet për zbardhjen e plotë të rrethanave, identifikimin dhe kapjen e personave të përfshirë në ngjarje

Policia ka sekuestruar automjetin, ndërsa po vijon puna për identifikimin dhe kapjen e autorëve.

Hetimet për zbardhjen e plotë të ngjarjes vijojnë.

lajm ne perditesim...

 

Rendit zhvillimet sipas orarit:

Të Fundit Të Parat