POP 5

Lajmet më të lexuara të 5 minutave të fundit

Kronikë

Tentoi të fuste kontrabandë 46 bizhuteri floriri dhe rreth 61 mijë euro, pranga 48-vjeçarit në portin e Durrësit (VIDEO)

Një 48-vjeçar është ndaluar në portin e Durrësit pasi tentoi të fuste kontrabandë 46 bizhuteri floriri dhe rreth 61 mijë euro.

DURRËS - Një 48-vjeçar është ndaluar në portin e Durrësit pasi tentoi të fuste kontrabandë 46 bizhuteri floriri dhe rreth 61 mijë euro.

I arrestuari me iniciale A.M. i cili udhëtonte me një minibus të linjës Shqipëri-Francë-Shqipëri iu nënshtrua kontrollit nga policia kufitare në port.

Gjatë kontrollit më të imtësishëm në vijën e dytë, autoritetet gjetën në kabinën e shoferit, 46 bizhuteri floriri dhe një shumë prej 60.960 eurosh.

Nuk dihet ende destinacioni apo prejardhja e këtyre parave dhe artikujve ndërkohë që policia arrestoi 48-vjeçarin nga Shkodra.

"Gjatë kontrollit të kryer në vijën e dytë nga specialistët për Hetimin e Krimeve në Pikën e Kalimit Kufitar Port Durrës, në bashkëpunim edhe me specialistët e Trafiqeve të Paligjshme dhe ata të hetimit të Krimit Ekonomik e Financiar në DVP Durrës, në kabinën e  shoferit A.M., janë gjetur dhe sekuestruar në cilësinë e provës materiale 60960 euro si dhe 46 artikuj (bizhuteri) floriri" - njofton policia.

Nën drejtimin e Prokurorisë së Rrethit Gjyqësor Durrës, Specialistët për Hetimin e Krimit Ekonomik e Financiar të Durrësit, po vijojnë punën për zbardhjen dhe dokumentin e plotë ligjor të kësaj ngjarjeje.

Materialet do ti kalojnë Prokurorisë së Rrethit Gjyqësor Durrës për veprën penale "Mosdeklarimi në kufi i të hollave dhe sendeve me vlerë".

1599477176_euro12.jpg

Eurot dhe bizhuteritë e sekuestruara

Vijon...

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

14 Mars, 22:55 nga Ferdinand Dervishi