POP 5

Lajmet më të lexuara të 5 minutave të fundit

Bota

Tentoi të shpallte gjendje lufte, presidenti i Koresë së Jugut rrezikon dënim me vdekje ose burgim të përjetshëm

Tentoi të shpallte gjendje lufte, presidenti i Koresë së Jugut rrezikon dënim me vdekje ose burgim të përjetshëm


 

Foto: Policia duke hyrë në rezidencën e presidentit të Koresë së Jugut, 15 janar 2025
 

SEUL- Si një ish-prokuror që udhëhoqi Partinë Konservatore të Fuqisë Popullore (PPP) drejt fitores në zgjedhjet e vitit 2022, Yoon Suk Yeol mund të përballet me dënim me vdekje ose burgim të përjetshëm nëse shpallet fajtor për kryengritje.

Ai kishte tentuar ta shmangte arrestimin për javë të tëra duke qëndruar në rezidencën e tij, i mbrojtur nga anëtarët e Shërbimit të Sigurisë Presidenciale (PSS) që i kishin qëndruar besnikë.

Rojet e tij kishin vendosur tela me gjemba dhe barrikada në rezidencë, duke e kthyer objektin në atë që opozita e quajti “kështjellë”.

Yoon, i cili kishte premtuar të “luftonte deri në fund”, arriti të shmangte përpjekjen e parë për arrestimin e tij më 3 janar, pas një përballjeje të tensionuar disa orëshe midis rojeve dhe hetuesve anti-korrupsion që punonin me policinë.

Në një postim të mëvonshëm në Facebook, që Yoon tha se e kishte shkruar ndërsa ishte i ngujuar në rezidencën e tij, ai përsëriti pretendimet për mashtrim zgjedhor dhe foli për kombe “armiqësore” që po sulmonin vendin, duke iu referuar Koresë së Veriut.

Gazetarët e agjencisë së lajmeve AFP kanë raportuar për përleshje të vogla te porta e rezidencës, ku mbështetësit më të flaktë të Yoon ishin vendosur për ta mbrojtur atë, ndërsa autoritetet nisën operacionin për arrestim.

Mbështetësit e tij dëgjoheshin duke brohoritur “urdhër arresti i paligjshëm!” ndërsa në duar mbanin flamuj të Koresë së Jugut dhe SHBA-së. Disa prej tyre qëndronin të shtrirë në tokë para portës kryesore të kompleksit rezidencial,shkruan REL.


Lajmi kryesor:

Koreja e Jugut/ Presidenti arrestohet për tradhti! 3 mijë policë shkuan në rezidencë! Tentoi të shpallte gjendje lufte në dhjetor! Yoon Suk Yeol refuzon të dëshmojë
S.G/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Laçi dhe Bylisi në çerekfinale, Tirana jashtë! Sot gjashtë ndeshje në Kupën e Shqipërisë

Laçi dhe Bylisi në çerekfinale, Tirana jashtë! Sot gjashtë ndeshje në Kupën e Shqipërisë

15 Janar, 12:20