POP 5

Lajmet më të lexuara të 5 minutave të fundit

Kronikë

Fier/ Tentoi të vriste një 30-vjeçar duke qëlluar me armë drejt berberhanes, arrestohet autori, një ditë më parë u kap bashkëpunëtori (Video)

Ka shkuar në dy numri i personave të arrestuar për të shtënat me armë zjarri në Fier mbrëmjen e të dielës. Sot është arrestuar 33-vjeçari Geraldo Hoxhaj (Mahmutaj)

Ka shkuar në dy numri i personave të arrestuar për të shtënat me armë zjarri në Fier mbrëmjen e të dielës. Sot është arrestuar 33-vjeçari Geraldo Hoxhaj (Mahmutaj).

Siç raporton policia dy ditë më parë ai tentoi të vriste një 30- vjeçar duke qëlluar me armë zjarri drejt berberhanes ku ai po merrte shërbim. Pas kësaj ngjarjeje të ndodhur më 23 dhjetor në fshatin Fermë Çlirim, për shkak të një konflikti të mëparshëm, për motive të dobëta, policia arrestoi edhe bashkëpunëtorin e 33-vjeçarit.

"Si rezultat i veprimeve intensive operacionale të kryera në kuadër të megaoperacionit “Sundimi i ligjit”, menjëherë pas ngjarjes së ndodhur më datë 23.12.2023, në fshatin Fermë Çlirim, ku në drejtim të një biznesi (berberhane), u qëllua me armë zjarri, shërbimet e Komisariatit të Policisë Fier, në bashkëpunim me specialistët për Hetimin e Krimeve të DVP Fier, kapën dhe ndaluan shtetasin e shpallur në kërkim G. H. (M)., 33 vjeç, banues në fshatin Fermë Çlirim.

Pas një konflikti të mëparshëm, për motive të dobëta, me shtetasin E. K., 30 vjeç, ky shtetas ka qëlluar me armë zjarri pushkë, në drejtim të një biznesi (berberhane), në momentin kur në këtë biznes, po merrte shërbim 30-vjeçari. Nga veprimet e shpejta hetimore ka rezultuar se bashkëpunëtor për këtë rast ka qenë shtetasi N. M. (M)., 22 vjeç, i cili u arrestua nga Policia, një ditë më parë", njofton policia.

Në cilësinë e provës materiale, u gjet dhe u sekuestrua arma e zjarrit pushkë me të cilën qëlloi 33-vjeçari. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale "Vrasja me dashje", mbetur në tentativë, kryer në bashkëpunim dhe "Prodhimi dhe mbajtja pa leje e armëve të zjarrit dhe municionit luftarak".

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata