Safaree Samuels, ish i dashuri i Nicky Minaj, ka bërë një deklaratë të bujshme teksa është shprehur se këngëtarja është përpjekur ta vrasi me thikë.
“Të kujtohet nata që më lëndove dhe kur pothuajse vdiqa, policia dhe ambulanca duhej të më sillnin në spital. Duhej t’i gënjeja dhe t’u tregoja se u përpoqa të vrisja veten në mënyrë që të mos të merrnin në burg. Kur gjëra të tilla fillojnë të përsëriten, është koha që të largohen,”- ka shkruar Samuels në Twitter.
Menjëherë ka ardhur reagimi i këngëtares e cila i ka shkruar se po gënjen. “Mjaft the gënjeshtra se do të të dënojë Zoti,”- shprehet Minaj. Ajo gjithashtu ka shtuar se ishte pikërisht Samules që i vodhi kartën e kreditit në kohën kur ishin në një lidhje dhe se me paratë e saj kishte paguar prostituta.
