POP 5

Lajmet më të lexuara të 5 minutave të fundit

Kronikë

Tentuan të fusnin mallra kontrabandë nga Porti i Vlorës me vlerë 8000 euro, arrestohen 2 persona

Disa mallra me vlerë rreth 8000 euro janë sekuestruar në Portin e Vlorës, pasi dyshohet se ishin mallra kontrabandë

Tentuan të fusnin mallra kontrabandë nga Porti i Vlorës me vlerë 8000 euro, arrestohen 2 persona

Mallrat kontrabandë

Disa mallra me vlerë rreth 8000 euro janë sekuestruar në Portin e Vlorës, pasi dyshohet se ishin mallra kontrabandë.

Policia Kufitare ka kryer kontroll në një mjet lundrues ‘Pilotinë’ (anije e shërbimit detar që përdoret për punime në Port), ku shtetasi R. B. po transportonte mallra nga trageti, me qëllim shmangien e detyrimeve doganore.

Gjatë kontrollit u gjetën dhe u sekuestruan, në cilësinë e provës materiale, veshje të ndryshme me vlerë rreth 8000 euro, të dyshuara të kontrabanduara, të cilat do t’i merrte shtetasi E. P., me qëllim tregtimin e tyre.

Në përfundim të veprimeve u arrestuan në flagrancë shtetasit: R. B., 64 vjeç, banues në Vlorë, drejtues i mjetit lundrues “Pilotinë”; E. P., 35 vjeç, banues në Vlorë, administratori i një subjekti tregtar.

Vijon puna për identifikimin dhe kapjen e personave të tjerë të implikuar në këtë veprimtari kriminale.

Materialet i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme procedurale.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54