Teora, qyteti italian që i ofron banorëve të rinj shtëpi me qira falas (FOTO)

Teora, qyteti italian që i ofron banorëve të rinj shtëpi me qira falas (FOTO)

Teora

Kur vende të shumta italiane janë përpjekur të ringjallin popullsinë e tyre duke u shitur shtëpitë e shkatërruara për më shumë se një dollar, një qytet ka dalë me një qasje të re.

Teora, një destinacion i bukur i vendosur në rajonin jugor të Campania-s, po shpreson të joshë banorët e mundshëm duke ofruar pagesa për qiranë e tyre.

Ndërsa marrëveshjet e shtëpive prej 1 € kanë qenë një sukses i madh në të gjithë Italinë, me qytete nga Siçilia në jug deri në Alpet veriore që tërheqin banorë të rinj të angazhuar për të investuar në rinovime, ka frikë se ato që blejnë janë thjesht shtëpi të lira të pushimeve se sa të jetonin aty.

Teora

Teora mendon se plani i saj do të funksionojë më mirë. Ai thotë se do të paguajë të ardhurve 150 € në muaj për koston e marrjes me qira të një shtëpie boshe atje gjatë dy viteve, ose t'u ofrojë atyre 5  mijë € për ta blerë atë.

Kushtet janë që blerësit do të duhet të jetojnë në Teora për të paktën tre vjet dhe të kenë të paktën një fëmijë kur të aplikojnë.

"Unë nuk besoj në shitjen e shtëpive boshe për 1 €, që nuk i stimulon njerëzit të qëndrojnë në qytet", thotë për CNN Stefano Farina, kryetari i bashkisë së Teorës.

"Ata vijnë vetëm disa muaj në vit si pushues. Kjo nuk është zgjidhja. Por marrja e vendbanimit dhe regjistrimi i fëmijëve në shkollën lokale, kjo sjell që të marrë frymë një jetë të re."

Vendodhja e Teora-s

Sipas Farina, popullsia e qytetit u ul në mënyrë dramatike pas një tërmeti në vitin 1980, i cili shkaktoi dëme të mëdha në Teora, si dhe në Lionin aty pranë dhe asnjëherë nuk është rikuperuar plotësisht.

"Dy foshnje lindin në Teora çdo vit përkundrejt 20 të moshuarve që vdesin. Jemi në 1.500 banorë, pas tërmetit të tmerrshëm, shumë të rinj ikën.

"Unë dua ta përmbys këtë prirje negative. Fëmijët janë e ardhmja jonë, familjet e reja do të jenë ndërtesa e bashkësisë sonë në zvogëlim, kështu që ne i inkurajojmë ata që kanë më shumë fëmijë të aplikojnë", është shprehur Farina.

Shtëpitë në dispozicion janë të gjitha në gjendje të mirë, pasi ato u rindërtuan nga e para pas tërmetit, disa madje janë edhe të mobiluara.

Teora

Qyteti po ofron gjithashtu të heqë dorë nga tarifat e vaktit të shkollës dhe taksat për shërbimet lokale.

"Deri më tani dy familje italiane janë vendosur dhe një nga Brazili me origjinë italiane", shton Farina. "Ata sollën edhe gjyshërit."

Ai shpreson që shumë të tjerë ta ndjekin këtë.

Por çfarë mund të ofrojë Teora që qytetet e tjera italiane nuk munden?

Teora

Vendosur në cepin më të thellë të zonës së egër të Campania Irpinia, qyteti idilik shtrihet në këmbët e malit Cresta del Gallo.

Peizazhi kodrinor, jeshil i Teorës dikur ishte i banuar nga Samnitët, një fis i lashtë Italik, i cili kundërshtonte sundimin e Romës së Lashtë.

Emri i saj buron nga fjala latine "tugurium", që do të thotë "një kasolle prej guri dhe kashte".

Argjenda Fiumicello e lumit Ofanto është një nga pikat kryesore të saj piktoreske dhe zona gjithashtu mban rrugë të ndryshme udhëtimi që lëshohen përgjatë shtigjeve të vjetra të barinjve.

"Bukuria e tokës sonë nuk ka asgjë për ta patur zili Umbria apo Toscana", thotë Farina.

Hyra e Teora-s

Pjesa më tërheqëse dhe e paprekur është Irpinia,  e njohur si 'mushkëria jeshile' për bimësinë e saj të harlisur dhe oksigjenin e pastër.

Piazza belvedere, e cila mban një mur të mbetur mesjetar të kështjellës, ofron pamje mahnitëse të zonës.

Sa i përket kuzhinës, specialiteti i qytetit është tomacella, një hamburger kryesor i bërë nga mishi i derrit me djathë të grirë dhe rrikë të mbushur brenda një rrjete dhe të rrumbullakosura me bukë.

Muzeu i artit kontemporan

Gjithashtu ushqime të zonës janë edhe Cavatielli, makarona e punuar me dorë të përdredhur, si dhe fusilli në formë me një grepi të vogël, të dyja shërbehen me salcë domatesh të freskët.

Ndërkohë gjella popullore “Lu bucatini con u fischi” është përgatitur me copa mishi të derrit të skuqur dhe spageti.

Ata që me të vërtetë duan të jenë pjesë e traditave të ngrënies, mund të përgatisin pica me patate të Shën Martinit dhe vendosur një monedhë.

Personi me fat që e gjen atë në fetë e tij, vendos të sundojë tryezën për një ditë të tërë, duke porositur gjithçka që dëshiron.

Foto nga skulptura në qytet

Ndërsa popullsia e Teorës mund të jetë zvogëluar në mënyrë të konsiderueshme gjatë 30 viteve të fundit, vendasit që mbeten kanë një mënyrë jetese të thjeshtë, në disa raste edhe të vështirë.

Simboli i qytetit është një dem, ishte një simbol "totemik" samnit për forcë, besnikëri dhe sakrificë.

"Tërmeti ka lënë një mbresë të thellë, por ne kemi mësuar të ngrihemi nga hiri me krenari", shton Farina.

Sipas tij kjo është arsyeja pse ne duhet të jemi krijues dhe të gjejmë mënyra të reja për t'i bërë njerëzit të bashkohen me komunitetin e tyre.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sindorela: 01/09/2023 16:01

    edhe une dua te jetoj aty.

    Përgjigju
  • Sindorela pejtamalli: 01/09/2023 16:00

    edhe une dua te jetoj aty po si te aplikoj

    Përgjigju
  • Hydajet: 18/02/2020 19:34

    Jam i interesuar

    Përgjigju
    • Saimir Allmuça: 03/01/2023 17:03

      Po un a mundet të vij të jetoj

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum