TEPELENË-Neglizhenca e prindërve ka rezultuar fatale për jetën e një fëmije 10-vjeçar ku si pasojë e temperaturës së lartë vogëlushi Sabri Ilijazi ka humbur jetën. Mësohet se fëmija ka marrë ndihmën mjekësore pranë Spitalit të Tepelenës ku mjekët kanë mundur t’i ulin temperaturën falë injeksioneve të kryera, por me këmbëngulje të prindërve ai është dërguar serish në banesë ku ka shfaqur sërish probleme gjatë orëve të natës.

 

Vetë babai i vogëlushit, tregon se përpjekja e dytë për të shkuar drejt urgjencës ka rezultuar e kotë pasi ai ndërroi jetë në duart e tij. “Fëmija ka pasur temperaturë, jo vetëm si pasojë e gjendje gripale. Sa herë që ndërroheshin stinët, djali kishte probleme, pasi vuante nga migrena” tha i ati Sokol Iljazi. 

Ai nuk ka bërë fajtor asnjë nga mjekët apo infermierët, ndërsa ka kërkuar që të mos bëhet as autopsia e fëmijës që ndërroi jetë duke e cilësuar natyrale. Mjekët thonë se pas kryerjes se injeksionit temperatura dhe gjendja e vogëlushit u normalizua por ishin vetë prindërit ata që kërkuan që fëmija të dilte nga reparti i urgjencës. Fëmija ka vuajtur në fakt nga migrena dhe shpesh herë ishte bartës i sëmundjeve stinore.tepelene sabri iljazi
Viktima Sabri Iljazi

 

d.b/shqiptarja.com